Nafarroako Eskola Kontseiluak 2015-2016 ikasturtean zehar hezkuntzaren inguruko artikuluak, Nafarroakoak gehienak, artxibatze eta hemeroteka zerbitzua egiten aritu da. Edozein pertsonak eska ditzake artikulu hauek, bere kontsultarako.
Berriak
Iraila hasten da: ongi etorri
Ikasturte berria hasten da eta gogorarazi nahi dizuegu Nafarroako Eskola Kontseiluko ateak irekiak daudela hezkuntza eremuko eragile guztien ekarpen eta proposamenak jasotzeko eta zabaltzeko.
Gure web-gunearen bitartez, Nafarroako hezkuntzaren inguruko berri, praktika eta jarduera interesgarri guztiei oihartzun egiten jarraituko dugu. Bukatu den ikasturtearen hasieran abian jarri genuen egitasmoa eta urte betea izan da osotara 145 berri igo ditugu ikastetxe, guraso eta irakasle taldeen lankidetzan. [Read more…] about Iraila hasten da: ongi etorri
Hizkuntzen Europako Eguna 2016
Irailaren 26an, Europako Kontseiluak, Hizkuntzen Europako Eguna (HEG) ospatzen du, urtero bezala. Ospakizun hau burutuko duten ikastetxeek materiala eskatu dezakete irailaren 1etik 19ra, mrosario.gutierrez@mecd.es helbide elektronikoan. Posta honetan ospakizun honetarako aurreikusitako jarduera bereziak zehaztea ezinbestekoa da.
Pause
Joan de ikasturtean hainbat ikastetxe gehitu ziren Antox elkarteak bultzatutako “Pause” programa pilotuari, teknologia berrien mendekotasunaren alderdi negatiboak prebenitzea bilatzen duena. Calasanz-Escolapios, San Migel (Doneztebe), San Migel (Agoitz) edo Urdiaingo (besteak beste) Hezkuntza talde eta guraso elkarteen balorazioa oso positiboa izan da eta Antoxen diziplina-anitzeko taldearen martxan jarritako esperientzia azpimarratu dute.
Luzaide/Valcarlos hiru hizkuntzatan
Luzaide/Valcarloseko eskola 2016-2017 ikasturtetik aurrera Arnegi/Arneguyko ikastetxearekin batera elkarlan proiektu batean parte hartuko du. Zonalde horretan hitz egiten diren hiru hizkuntzen ikasketa sustatzea da hauen helburuetako bat, hau da, euskara, gaztelania eta frantsesa ikastea, sorterriko irakasleekin.
2015-2016 eTwinning balantzea
eTwinning ataritik 2015-2016 ikasturteko balantzea egin dute. Bertan, plataforman erregistratutako Espainiako irakasle kopurua 32.636koa dela azpimarratzen dute; Europako %8,4a (384.422 erabiltzaile).
Proiektukako lana Bigarren Hezkuntzan
Artikulu honetan, proiektukako lanaren sarreraren lehenengo esperientzia bat deskribatzen da, bigarren hezkuntzako institutu batean. Helburua, ikasleriaren aniztasuna atenditzea da. Esperientzia honen gainbegiratzeak lortu du irakasleek aurkitzen dituzten aukera eta oztopo nagusien laburpen bat egitea, hala nola egindako aldaketena.
Acción Magistral 2016
Acción Magistral 2016 Sariko bi nafartar ikastetxeek aurkeztutako Baloreetan Hezkuntzako proiektuak dira finalista autonomikoak. Tafallako Marqués de la Real Defensa eta Iruñeko Virgen del Camino aurkeztutakoak, alegia.
Gain-estimulazioaren arriskuak
Bizitzaren lehenengo hilabete eta urteetan, neuronen lotura berrien sorkuntza harrigarria da, garuna ernezten da, eta 10.000 konexio neurona bakoitzeko sortzen dira. Etapa honetan, haurraren garunak ahalmen potentzial asko ditu, oraindik ez dago espezializatua, eta horregatik, garunaren plastikotasunaren efizientzia oso altua izatea, eta ondorioz, edozein ikaskuntza oso era azkarrean burutzea posible da.
Patio biziak
Safareig-a (“Garbitegia”) haurtzaroa eta naturaren inguruko topaketa, formakuntza eta esperientzien elkar trukaketa tokia da. Carme Cols eta Pitu Fernández, bi maisu erretiratuak, beraien 30 urte baino gehiagoko elementu bizidunen inguruko kualitateen jakinduria eskaintzen diete eskolei. Ura, airea, argia, lurra eta landaretza, espazio irekietan, hala nola, haurren benetako beharren errespetu sakon batetan oinarritutako pedagogia da.
Linguistikoa politikoa da
Linguistikoa pertsonala bada eta pertsonala dena politikoa, hizkuntzaren erabilerak giza ekintza bezala ondorio subjektibo eta kulturalak sortzen dituzten heinean, heziketa linguistikoak ez luke gelako gaitasun komunikatiboak soilik sustatu behar. Ekitatea eta pertsonen, hizkuntzen eta kulturen arteko elkarbizitza orekatua sustatzen duen komunikazioaren etika demokratikoaren ikasketa ere bilatu beharko luke.
Agurrak
Artikulu honekin, Mercè Parés eta Xavi Gualek itxiera eta agurra prozesuen gaineko begirada zabaltzen saiatzen dira, balioan jarriz. Inplikatuen ongizatearentzat eskola antolakuntza inflexio momentu hauen kudeaketaren garrantiza kontzientziatzen laguntzen duen elementuak eskaintzea dute helburu.
Zientzia didaktika
Zientziaren didaktikaren inguruan hausnartzen du Begoña Burgoa Etxaburu irakasleak Hik Hasiren ekaineko alean: “Ikasleek laborategiko praktikak egin egiten dituzte, baina gehienetan irakasleak esandakoaren errepikapena izaten dira. Zientzia ikasteak, ordea, zientzia nola egiten den ikastea ere esan nahi du. Ikasleek arazo zientifikoak identifikatzen, baloratzen, ulertzen eta haiei erantzunak bilatzen ikasi behar dute”.