Berriak

Nafarroako zazpi herritara iritsiko da zinema-bira bat zientzia gazteengana hurbiltzeko. Nafarroako Unibertsitateko Zientzia Museoak sustatzen du #LabMeCrazy! Sciencia Film Festival ekimena. Liburutegi publikoetan garatuko da, eta jarraipena emango dio Zientzia Museoak urtero antolatzen duen zinema zientifikoaren nazioarteko jaialdiari.

Beste behin batean Cortesko Cerro de la Cruz HLHIko hezkidetza-batzordeak planteatutako hezkuntza-proiektu bat da. Helburua da ipuin klasikoak eta tradizionalak aztertzea eta bertsio garaikoago, berdinzaleago eta hezkideago bat egitea.

Iruñeko Udalak Iruña, hiri hezitzailea izeneko gida bat argitaratu du. Udalaren hezkuntza baliabide guztiak biltzen ditu gida horrek, eta informazioa eskaintzen du paperean zein webgunean, arloka, adinka, hezkuntza mailaka edo populazio taldeka.

Mendillorri BHIko ikasleek LGTBIQ+ kolektiboaren sentsibilizazio jardunaldi batzuetan hartu dute parte.

Nafarroako Estatistika Institutua (Nastat) eta Hezkuntza Departamentuko Hezkuntzako IKT Azpiegituren Atala Mendillorri BHIko zuzendaritza-taldearekin eta hor ikasten duten neska batzuekin bildu dira, zorionak emateko azken horiek Europako Estatistika Lehiaketaren Espainiako fasea irabazteagatik.

Azkoiengo Juan Bautista Irurzun ikastetxeko ikasleek Roald Dahl egilea aztertu dute apirilean eta, bereziki, bere «Matilda» lana.

Nafarroako Lanbide Heziketako ikasle batzuek benetako ekintzailetzarako Cooperative Campusizeneko ekimen aitzindarian hartu dute parte, Europako beste eskualde batzuekin batera.

Nafarroako Lanbide Heziketako zortzi ikastetxe publikotako ikasleek Navarraskills lehiaketaren lehen edizioan hartu dute parte. Hezkuntza modalitate horretako Nafarroako lehiaketa apirilaren 29an egin zen, eta, amaieran, sariak eman zitzaizkien lehiaketak irabazi zituzten hamaika ikasleri eta beste hamabost ikasleren trebetasunak erakutsi ziren hainbat modalitatetan.

KIMUA metodologiari buruzko jardunaldietan, María Chivite lehendakariak 32 ikasleri eman dizkie sari bereziak, beren titulazioak aparteko kalifikazioekin amaitu baitituzte. Lanbide Heziketa Nafarroaren lehiakortasunerako eta garapen ekonomiko eta sozialerako funtsezko elementutzat hartu du.

Lizarrako Gustavo de Maeztu Museoak nahieran eginen diren topaketen programa bat abiarazi du artelanak hurbilagotik ezagutarazteko. Haietan etorkizuneko turismo-gidariak arituko dira: Turismoko Gidaritza, Informazio eta Laguntzako goi mailako zikloko ikasleak, hain zuzen, Lanbide Heziketako Politeknikokoak.

Nafarroako Goi Mailako Musika Kontserbatorioak parte hartu du CSMN Music Truck proiektuan. Ekimen kultural berri honi esker musika-ekitaldi txikiak egiten dira Iruñeko zenbait gunetan. Ekimenaren helburua da zuzeneko musika hurbiltzea guneetara eta jendearengana. Eskuarki ez da halako proposamenik ikusten kalean.

«Ausartak» izenburua jarri diote Iruñeko Le Bal Dantza Eskolako ikasturte amaierako proiektuari. Eskola horretako 7 eta 25 urte bitarteko 200 ikaslek baino gehiagok parte hartu dute, eta helburua izan da eskola-jazarpenaren aurkako kontzientziazioa areagotzea.

Iruñeko Claret Larraona ikastetxeko 14 eta 18 urte bitarteko ikasleek Politikaren Jardunbide Egokirako Kode Kode Etikoa aurkeztu zuten apirilaren 27an Nafarroako Parlamentuan.