Berriak

Cortesko Cerro de la Cruz ikastetxe pilotu da ekologia emozionalari buruzko proiektu honetan: Neure burua maite dut zu maitatu ahal izateko.

Gerta liteke nobela bat irakurtzean hainbesteraino sartzea istorioan, non badirudien hantxe bertan izan zinela. Harrapatu egiten zaitu. Nobelaren munduan sartu. Fikzioak errealitatea gainditzen duenean gertatzen da hori. Izan ere, eleberri batzuek bizitza bera baino errealagoak dirudite. Batzuetan, liburuan deskribatutako paisaiak errealitatean baino gehiago gustatzen zaizkigu. Aldea da autoreak edo nobelan ageri den pertsonaiak kontatzen digun istorio horretan jarritako sentimendua.

Martzillako Marqués de Villena BHIk kulturarteko proiektu bat gauzatu du Batxilergoko 1. ikasmailako ikasleekin eta Adingabeentzako Behaketa eta Harrera Zentroko adingabeekin batera. Helburua, hauxe: bi mundu horiek batzea, sinergiak sortzea eta herrian haien egonaldia normalizatzea.

Erriberako Recicleta elkarteak ekimen bat sortuko du birziklatutako bizikleten banku bat abian jartzeko. Zerbitzu hori eskura izanen dute Erriberako ikastetxeek. Ekimen hau sartuta dago Nafarroako Gobernuarekin apirilaren 6an sinatu zuen lankidetza-hitzarmenean. Helburua, hauxe: bizikleta lehentasunezko garraioa izanen den eskualdean mugikortasun seguru eta jasangarria sustatu eta handitzea.

Nafarroako Eskola Kontseiluaren webguneak leiho bat izan nahi du, Nafarroako ikastetxeen proiektuak, bizipenak eta esperientziak bistaratzeko.

Mendillorri BHIko Batxilergoko 2.eko Leire Larrartek, Irene Iribarrenek eta Jaione Mainzek irabazi dute Estatistikako Institutu Nazionalak (INE) antolatzen duen lehiaketa estatistikorako fase nazionala eta Espainia ordezkatuko dute Europako txapelketan.

Cuatro Vientos Ikastetxe Integratuko ikasleek ingurumenari buruzko proiektu bat jarri dute abian: Iruñerriko zuhaitz eta zuhaixka espezie esanguratsuenak biltzen dituen baso txiki bat landatuko dute.

Carlos Gimeno Hezkuntzako kontseilaria eta Juan Cruz Cigudosa Unibertsitateko, Berrikuntzako eta Eraldaketa Digitaleko kontseilaria dira Nafarroako Prestakuntza eta Talentuaren Ekonomiaren Mahaiko buruak. Hasierako fase honetan, NUPeko Gizarte Kontseiluak, Nafarroako Eskola Kontseiluak, Nafarroako Enpresa Konfederazioak, CCOOk eta UGTk osatzen dute.

“LOPEZ, beste mundu batzuen esploratzailea” Iruñeko Planetarioaren 3Dko film berria da, Madrilgo Planetarioarekin lankidetzan egina. Bertan, LOPEZ izeneko satelite bat da protagonista.

Benjamín de Tudela BHIk “Ogibideen azoka” izeneko ekimena egin du, aurrez aurre hitz egiteko zenbait alorretako profesionalekin (eskarmentua duten profesionalekin), ikasleek laguntza jaso dezaten lan-orientazioari buruzko erabakia hartzerakoan.

“Parekoen arteko topaketa” ekimenak ikerketa-lana hurbiltzen die Nafarroako 6 ikastetxetako 62 gazteri, STEM arloko profesionalak ezagut ditzaten eta ikerketarekin engaiatuta dauden Bigarren Hezkuntzako ikastetxeen sarea indartu dadin Nafarroan, xedea delarik unibertsitatera joatear dauden ikasleen gaitasun eta ahalmenak hobetzea.

Martxoaren 16an, asteartea, hezkuntzarako COVID-19 koordinazio batzorde teknikoaren zazpigarren bilera egin zen telematikoki. Bileraren helburua zen ikasturtea modu seguruan garatzen dela bermatzeko ekintzak ikuskatu eta koordinatzea eta hezkuntza-komunitatearen gaineko ukipenari buruzko informazioa aztertzea.

Hamaika eskola-taldek zientzia eta teknologia sustatzeko CanSat programaren III. edizioan parte hartu zuten martxoaren 21ean, igandea, Los Arcosko zirkuituan. Programa egiazko satelite baten simulazioa aireratuz burutu zen. Unibertsitateko, Berrikuntzako eta Eraldaketa Digitaleko Departamentuaren ekimena da, Iruñeko Planetarioarekin elkarlanean.