Berriak

EnLinea INTEF webgunean, ikaskuntza-esperientziak erakusten zaizkio interesa duen edonori (gaztelaniaz eta ingelesez). Proposamenak ebidentzien agregazio digitalera bideratuta daude, ikuspegi praktikoa dute batez ere, eta jarduera-planek irakaskuntzako konpetentzia digitala eskuratzea, hobetzea eta garatzea sustatzen dute, honako hauen bidez: berdinen arteko ikaskuntza, prestakuntzako ebaluazioa eta lankidetza. Horrela, komunitate profesionaleko kideek elkarrekin ikasten dute, harremanetan jartzen dira eta ikaskuntza modu autonomoan kudeatzen dute.

PlayÓpera webguneak operara modu dibertigarrian hurbildu nahi gaitu. Lehen Hezkuntzako ikasleei zuzendua dago, eta jolas eta azalpen argiak eta errazak ditu. Irakasleentzako atal bat du, fitxa eta partitura sinplifikatuak deskargatzeko.

Gaur hizpide dugu British Council-en webgune bat, Lehen Hezkuntzako ikasleei zuzentzen zaiena ingelesa ikasteko helburuarekin. Barnean ditu gramatika ariketak, jolasak, audioak eta bideoak abestiekin, istorioekin eta poemekin, entzumena praktikatzeko asmoz; familientzako laguntza ere badago.

Webgune horretan, matematika ikastea dibertigarria da. Jolas erraza da, haurrei biderkatzeko taulak errepikapenen bidez ikasten laguntzen diena eta abiadura pixkanaka handitzen duena haurrek trebetasun gehiago eskuratu ahala.

Izen horrekin, IES Julio Caro Baroja BHIk programa bat jarri du abian, ikasleen artean irakurketa sustatzeko. Hala, ikasgelan eta 10 minutuz, liburu bat hartzeko eta irakurtzeko denbora dute.

Eskola da osasun mentalaren funtsezko agente babeslea. Ingurunea segurua da baldin eta espazioak eta denborak birdiseinatzen baditu hezkuntza komunitatearen premiei behar bezala erantzuteko.

OrientaGuía bloga Lorcako (Murtzia) Ramón Arcas Meca BHI ikastetxeko ikasleentzat edo gurasoentzat sortu da.  Baina zuri ere baliagarri izanen zaizu, orientzailea, tutorea… baldin bazara, edo aholkularitza akademikoa eta profesionala behar baldin badituzu. Bertan ageri den Bokazio-proiektuak lagunduko dizu zure etorkizun profesionala definitzen, zure buruari buruz gogoeta eginez, lanbideak eta ikasketak ikertuz, eta zure bokazioari buruzko erabakiak hartzen lagunduz.

Cibervoluntarios fundazioak, Eskubide Sozialetako eta Agenda 2030eko Ministerioaren laguntzarekin, hainbat jarduera eta doako ikastaro antolatzen ditu, eta aholkularitza eskaintzen die webgunean sartzen diren guztiei. Gaur, nerabe eta gazteei, familiei eta hezkuntza-komunitateari eskainitako bideoetan jarri dugu arreta, bai eta haiei zuzendutako doako prestakuntzan eta baliabideetan ere. 

Gurutze Plaza BHIn Ikus-entzunezko Gidoia irakasgaiaren Batxilergoko ikasleek BATXIZINE zinema erakusketaren XIV. edizioa aurkeztu dute. Nahierako ikaskuntza jardunaldian, ikastetxeko ekitaldi aretoan, zenbait film labur eman ziren, eta guztiak agertzen dira karteldegian.

Nafarroako ikastetxeek aniztasunari erantzuteko material berria dute 3 eta 12 urte bitarteko ikasleentzat. “Ikusezinak? Ikusezinak?” ipuina da. Haurrak hartutako kalte zerebrala duten haurrek bizi dituzten eguneroko desberdintasun-egoerak birsortzen ditu, eta, aldi berean, diskriminazio horiek desagerrarazteko konponbide errazak proposatzen ditu.

Hezkuntzari buruzko Innovamos aldizkariak Manuel Martíni egindako elkarrizketa bat argitaratu du, eskola jardunaldiari buruzkoa. “Zer eskola jardunaldi?” izeneko 19. zenbakian gai horri buruzko zenbait artikulu daude, ikuspegi desberdinetatik idatziak.

Pablo Picassoren heriotzaren berrogeita hamargarren urteurrena dela-eta, Espainiako eta Frantziako gobernuek erabaki dute elkarrekin lan egitea nazioarteko programa batean. Programa horrek, “Picasso 1973-2023 ospakizuna” lelopean, askotariko jarduerak biltzen ditu, helburu dutenak margolariaren lanean eta ondare artistikoan sakontzea, hainbat esparrutatik.

Tuterako ETI IBP eta Corellako Alhama BHI ikastetxeak elkarlanean aritu dira proiektu pilotu bat prestatzen. Helburua da ikastetxeetako bizikidetza hobetzea, motibazioa bultzatzea eta ikasgelako portaera txarrak murriztea; horretarako, jarduera fisikoa eta ikasleek beraiek zuzendutako interakzio sozialeko dinamikak erabiliko dira.