Berriak

Nafarroako ikastetxeek aniztasunari erantzuteko material berria dute 3 eta 12 urte bitarteko ikasleentzat. “Ikusezinak? Ikusezinak?” ipuina da. Haurrak hartutako kalte zerebrala duten haurrek bizi dituzten eguneroko desberdintasun-egoerak birsortzen ditu, eta, aldi berean, diskriminazio horiek desagerrarazteko konponbide errazak proposatzen ditu.

Hezkuntzari buruzko Innovamos aldizkariak Manuel Martíni egindako elkarrizketa bat argitaratu du, eskola jardunaldiari buruzkoa. “Zer eskola jardunaldi?” izeneko 19. zenbakian gai horri buruzko zenbait artikulu daude, ikuspegi desberdinetatik idatziak.

Pablo Picassoren heriotzaren berrogeita hamargarren urteurrena dela-eta, Espainiako eta Frantziako gobernuek erabaki dute elkarrekin lan egitea nazioarteko programa batean. Programa horrek, “Picasso 1973-2023 ospakizuna” lelopean, askotariko jarduerak biltzen ditu, helburu dutenak margolariaren lanean eta ondare artistikoan sakontzea, hainbat esparrutatik.

Tuterako ETI IBP eta Corellako Alhama BHI ikastetxeak elkarlanean aritu dira proiektu pilotu bat prestatzen. Helburua da ikastetxeetako bizikidetza hobetzea, motibazioa bultzatzea eta ikasgelako portaera txarrak murriztea; horretarako, jarduera fisikoa eta ikasleek beraiek zuzendutako interakzio sozialeko dinamikak erabiliko dira.

Nafarroako Fisioterapeuten Elkargo Ofizialak gida bat egin du ikasleek ez dezaten bizkarreko minik izan. Gurasoei eta irakasleei zuzenduta dago. Aldi berean, gorputz jarreraren hezkuntzari buruzko tailerrak ematen ari da ikastetxeetan.

Nafarroako Eskola Kontseiluak XXXI. Jardunaldiak antolatu ditu: “Ideiagintza suizidaren prebentzioa, detekzioa eta esku-hartzea” izenburua daramate eta maiatzaren 10ean eta 11n eginen dira, Nafarroako Parlamentuan. Jardunaldietan aurrez aurre eta in streaming parte hartzen ahalko da.

Ekainean unibertsitatera sartzeko ebaluazioa egin behar baduzu, hau zure interesekoa izanen da. Izenburu horren pean, Hezkuntzako eta Lanbide Heziketako Ministerioak ikasleen eskura jarri ditu aurtengo azterketetan izanen diren aldaketak (gaztelaniaz).

Nafarroako ikastetxeetako lehen eta bigarren hezkuntzako hainbat ikaslek, apirilean eta maiatzean, parte hartuko dute euskarazko barnetegien Egonaldiak programa berrian; Nafarroako Gobernuko Hezkuntza Departamentuak antolatu du.

Haur-hezkuntzan funtsezkoa da emozioei buruzko hezkuntza ematea, honelako herritarrez osatutako gizarte bat edukitzeko: beren gaitasunetan konfiantza dutenak, besteen sentimenduak kontuan hartzen dituztenak eta une bakoitzean erabaki egokienak hartzen dakitenak. Emozioak, beraz, faktore garrantzitsua dira pentsamendu kritikoa duten pertsonak hezteko.

Bartzelonako Natura Zientzietako Museoak egun dituen erakusketa-proiektuetarako estekak bidali dizkigu; proiektu horiek formatu inprimagarrian daude eta doan deskarga daitezke, aldez aurretik eskatuta.

Duela hilabete batzuk, DUALIZA-TE proiektuaren berri eman genizuen. Mendigoiti ikastetxeak eta beste bi ikastetxek garatu dute proiektua, hezkuntza-ingurune inklusiboagoak sortzeko. Erronketako bat izan da INDEA izeneko tresna sortzea (neurohezkuntzako adierazleak, ikaskuntza-inguruneak diseinatzeko).

Iruñeko “Doña Mayor” ikastetxe publikoko Lehen Hezkuntzako 4. mailako ikasleak ikaskuntza-zerbitzuko proiektu hori egiten ari dira, Ezkaba mendia basoberritzeko lanetan laguntzeko, 2022an gertatutako sutearen ondoren; haiekin lankidetzan ari dira Nekazaritza eta Basogintzako IBP, Donibane IBP eta Maria Ana Sanz IBP ikastetxeetako ikasleak.

Nafarroako Eskola Kontseiluak «Neurohezkuntza: nola ikasten du garunak?» bere azken liburua argitaratu du. Bertan, espezialista kualifikatuen hitzaldiak jasotzen dira, ezagutza partekatzeko eta printzipio neurozientifikoak hezkuntza-praktikan txertatzeari buruzko hausnarketa sortzeko.