Berriak

Eskuragarri dago jada Nafarroako Eskola Kontseiluaren 2020-2021 ikasturteko memoria, abenduaren 15eko osoko bilkuran aho batez onetsia.

Guztira, Haur Hezkuntzako, Lehen Hezkuntzako, DBHko eta Lanbide Heziketako Nafarroako 36 hezkuntza-zentrok jaso dituzte ‘Kalitatearekiko Konpromisoa’, ‘Kalitate Zentroa’ eta ‘Zentro Bikaina’ sariak, hezkuntza publikoaren esparruan kalitatea kudeatzeko sistemagatik.

Iruñeko Salestarren Mantentze eta Mekanizazioko eta Elektrizitate eta Elektronikako moduluetako ikasleek sehaska klimatizatu eta desmuntagarriak egin dituzte garapen-bidean dauden herrialdeetako haurtxo goiztiarrentzat. Proiektu solidario berri hori Kamerun, Cabo Verde, Senegal, Bolivia, Honduras, Ekuador, Mali edo Kongora iritsi da. Laster Siriara eta Ugandara iritsiko da.

Hezkuntzako eta Lanbide Heziketako Ministerioak LH Dualeko jardunbide egokien bost programa hautatu ditu Nafarroan Europako kalitateko adibide autonomikoen zerrendarako.  ‘Jardunbide egokiak Espainiako Lanbide Heziketa Dualean. Europako kalitateko 14 adierazle. 102 adibide autonomiko‘ argitalpena aurkezteko ekitaldia egin da Madrilen.

Cortesko Bardenas Reales DBHIk eta Tuterako Valle del Ebro BHIk parte hartu dute Alto de la Cruz hezkuntza proiektuko jarduera batean. Universitat Oberta de Catalunyako Grup de Recerca en Arqueologia Protohistòrica (GRAP) taldeak zuzentzen du proiektu hori. Jarduerak Jainkosak, amak eta emakumeak Burdin Aroko artean du izenburu eta gogoeta egiten du historiaurrean ageri den emakumearen irudikapenari buruz.

Antzerki-ziklo bat eta errepresio frankistari buruzko unitate didaktiko bat dira “Memoria duten eskolak” 2021-2022 programaren elementu berriak; programa hori Herritarrekiko Harremanetako Departamentuak egiten du, Bakearen, Bizikidetzaren eta Giza Eskubideen Zuzendaritza Nagusian.

Nafarroako Eskola Kontseilua Nafarroako hezkuntzaren aldeko itun sozialari buruzko XXVI. jardunaldiak antolatzen ari da. Nafarroako Medikuen Elkargo Ofizialaren egoitzan eginen dira urtarrilaren 10ean, goizez eta arratsaldez.

Bigarren urtez jarraian, Brif, Braf, Bruf jaialdia ospatuko da Txantrean, abenduaren 26tik urtarrilaren 8ra, proposamen fantastikoak eginez.

Nafarroako Gobernuak lau neska eta bi mutil saritu ditu 2020-2021 ikasturtean emaitza onenak lortu dituztelako beren ikasketa-mailetako probetan.

Menina sariek aintzatetsi egiten dituzte emakumeen aurkako indarkeria desagerrarazteko konpromisoa duten erakunde, instituzio eta norbanakoak. Berdintasun Ministerioaren Genero Indarkeriaren aurkako Gobernu Ordezkaritzak sustatzen ditu.

Tuterako Pequelogos taldeak Nafarroa ordezkatuko du Robotikako Munduko Olinpiadaren final nazionalean, junior kategorian (13 eta 15 urte bitartekoak), Salt (Girona) herrian.

Sierra de Leyre BHIko DBHko 4. mailako ikasleek Musisex lehiaketaren bi sarietako bat eskuratu dute. Lehiaketa hori SAREk, GIB/HIESa duten pertsonei laguntzeko elkarteak, antolatu du  lehen aldiz, Iruñeko Udalarekin eta Nafarroako Gobernuarekin batera.

Mundu mailako biologia sintetikoko proiektuen nazioarteko iGEM lehiaketan, Navarra-Biogalaxy 3 taldea da lehiaketa horretan Nafarroatik parte hartzen duen hirugarren ikasle-taldea, eta zilarrezko domina lortu du bere aRADIAMARS proiektuarekin.