Berriak

Cantabria BHIko Batxilergoko 1. mailako ikasleen esperientzia bat da, eta haren helburua da gogoetarako eta ekintzarako tokia zabaltzea antzerkiaren bidez.

Ikasturte hasieran proiektu berri bat abiatu zuten Elizondoko Lanbide Eskolako hainbat ikasle-irakaslek, Cabo Verde proiektua deitua. “Ayuda Contenedores” gobernuz kanpoko erakundearen bitartez harremanetan jarri dira Afrikako Cabo Verde irletako ikastetxe batekin, CEFP Variante Lanbide Eskola. Proiektuaren helburua edukiontzi bat betetzea da, bertako ikasle eta irakasleentzako baliagarriak izan daitezkeen material eta tresnekin, negutegi bat eta hazitegi bat, adibidez.

MinerÉTICA dibulgazio-ekimen bat da, meatzaritzari buruzkoa. Bertan, lankidetzan ari dira Nafarroako Gobernuko Industriaren, Energiaren eta S4 Proiektu Estrategikoen Zuzendaritza Nagusia, eta Nafarroako meatzaritza-sektoreko elkarte eta enpresa nagusiak. Helburua da gizartea kontzientziatzea meatzaritzaren garrantziaz eta landa-eremuetako garapenari egiten dion ekarpenaz. 2022an, ikasleek bisitatuko dituzte meatze-guneak edo -enpresak.

Nafarroako Memoriaren Institutuak ‘Fuego’ antzerki-lanaren bi funtzio programatu ditu, memoriaren eta giza eskubideen belaunaldi arteko transmisioan lanean jarraitzeko. ‘La Joven Compañía’ taldeak antzezten du lana. Memoria duten Eskolak programaren barruan kokatzen da ekimena. Programa horren helburua ikastetxeetan bakearen eta bizikidetzaren kulturan heztea da.

Otsailaren 10ean Nafarroako Eskola Kontseiluaren XXVII Jardunaldiak egin ziren “Autonomia, liderazgo, ebaluazioa eta parte-hartzea hezkuntza-zentroetan” izenburupean Nafarroako Museoko batzar aretoan, 16:45etik 20:00etara.

Nafarroako Unibertsitate Publikoko Bigarren Hezkuntzako Irakasletzako unibertsitate masterra egiten ari diren ikasleek ezagutzeko aukera izan dute DBHn geologia eta geografia irakasteko erabiltzen den errealitate handiagotuko harea-kutxa. Erakustaldia Ribaforadako El Cierzo BHIko Matematika arloko irakasleek eman dute; izan ere, eskoletan erabiltzen dute.

Eskuragarri dago jada Nafarroako Eskola Kontseiluaren 2020-2021 ikasturteko memoria, abenduaren 15eko osoko bilkuran aho batez onetsia.

Guztira, Haur Hezkuntzako, Lehen Hezkuntzako, DBHko eta Lanbide Heziketako Nafarroako 36 hezkuntza-zentrok jaso dituzte ‘Kalitatearekiko Konpromisoa’, ‘Kalitate Zentroa’ eta ‘Zentro Bikaina’ sariak, hezkuntza publikoaren esparruan kalitatea kudeatzeko sistemagatik.

Iruñeko Salestarren Mantentze eta Mekanizazioko eta Elektrizitate eta Elektronikako moduluetako ikasleek sehaska klimatizatu eta desmuntagarriak egin dituzte garapen-bidean dauden herrialdeetako haurtxo goiztiarrentzat. Proiektu solidario berri hori Kamerun, Cabo Verde, Senegal, Bolivia, Honduras, Ekuador, Mali edo Kongora iritsi da. Laster Siriara eta Ugandara iritsiko da.

Hezkuntzako eta Lanbide Heziketako Ministerioak LH Dualeko jardunbide egokien bost programa hautatu ditu Nafarroan Europako kalitateko adibide autonomikoen zerrendarako.  ‘Jardunbide egokiak Espainiako Lanbide Heziketa Dualean. Europako kalitateko 14 adierazle. 102 adibide autonomiko‘ argitalpena aurkezteko ekitaldia egin da Madrilen.

Cortesko Bardenas Reales DBHIk eta Tuterako Valle del Ebro BHIk parte hartu dute Alto de la Cruz hezkuntza proiektuko jarduera batean. Universitat Oberta de Catalunyako Grup de Recerca en Arqueologia Protohistòrica (GRAP) taldeak zuzentzen du proiektu hori. Jarduerak Jainkosak, amak eta emakumeak Burdin Aroko artean du izenburu eta gogoeta egiten du historiaurrean ageri den emakumearen irudikapenari buruz.

Antzerki-ziklo bat eta errepresio frankistari buruzko unitate didaktiko bat dira “Memoria duten eskolak” 2021-2022 programaren elementu berriak; programa hori Herritarrekiko Harremanetako Departamentuak egiten du, Bakearen, Bizikidetzaren eta Giza Eskubideen Zuzendaritza Nagusian.

Nafarroako Eskola Kontseilua Nafarroako hezkuntzaren aldeko itun sozialari buruzko XXVI. jardunaldiak antolatzen ari da. Nafarroako Medikuen Elkargo Ofizialaren egoitzan eginen dira urtarrilaren 10ean, goizez eta arratsaldez.