Berriak

Nafarroako Goi Mailako Musika Kontserbatorioak parte hartu du CSMN Music Truck proiektuan. Ekimen kultural berri honi esker musika-ekitaldi txikiak egiten dira Iruñeko zenbait gunetan. Ekimenaren helburua da zuzeneko musika hurbiltzea guneetara eta jendearengana. Eskuarki ez da halako proposamenik ikusten kalean.

«Ausartak» izenburua jarri diote Iruñeko Le Bal Dantza Eskolako ikasturte amaierako proiektuari. Eskola horretako 7 eta 25 urte bitarteko 200 ikaslek baino gehiagok parte hartu dute, eta helburua izan da eskola-jazarpenaren aurkako kontzientziazioa areagotzea.

Iruñeko Claret Larraona ikastetxeko 14 eta 18 urte bitarteko ikasleek Politikaren Jardunbide Egokirako Kode Kode Etikoa aurkeztu zuten apirilaren 27an Nafarroako Parlamentuan.

“Mila milioi ahots” lemapean hasi da Hezkuntzaren aldeko Munduko Ekintza Astea (HAMA). Aurten agerian utzi nahi da nola ari den eragiten COVID-19a hezkuntzan eta nola larriagotzen ari den hezkuntzaren finantzaketan munduan dagoen krisia.

Eskubide Sozialetako Departamentuak eta Nafarroako Unibertsitateak nerabeekin egindako narratiben metodologiari buruzko gida bat aurkeztu dute. Gida hori Sofía Brotóns-ek Puente ikastetxean (Gares) eta Etxabakoitz lantegi eskolan (Iruña) egindako hiru urteko ikerketaren emaitza da. Gida honetan, narratiba erabiltzen da gazteen autoezagutza areagotzeko eta etorkizuneko proiekzioak hobetzeko.

Apirilaren 20an, asteartea, hezkuntzarako COVID-19 koordinazio batzorde teknikoaren bederatzigarren bilera egin zen telematikoki. Bileraren helburua zen ikasturtea modu seguruan garatzen dela bermatzeko ekintzak ikuskatu eta koordinatzea eta hezkuntza-komunitatearen gaineko ukipenari buruzko informazioa aztertzea.

Hezkuntza Departamentuak eta Nafarroako ijitoen komunitateak “Prestakuntza aurrerapenerako eta aukera-berdintasunerako bidea da” kontzientziazio kanpaina bultzatu dute, etnia horretan eskolatzea bultzatzeko.

Tuterako ikastetxeetako Haur eta Lehen Hezkuntzako ikasleek lantegietan hartu dute parte, Barazkiaren Festen karietara herritarren artean elikadura osasungarria sustatzeko xedez.

“¡Mañana empieza Hoy! / Etorkizuna gaur hasten da!” leloa aukeratu du aurten Hezkuntzak, Foru Komunitateko hezkuntza-sare publikoa ikasleendako lehen aukera moduan hauta dadin.

Sierra de Leyre institutuak (Zangoza) mahai-ingurua egin du DBHko 2. eta 3. mailako adituekin eta ikasleekin, Urre Urdina izeneko hezkuntza-proiektuaren barrenean. Proiektu horretan, ura ingurumenaren erreferente gisa hartuta egin dute lan.

Corellako Arte eta Goi mailako Diseinu Eskolak (EASDi) proiektu bat aurkeztu zuen Nafarroako Parlamentuko Hezkuntza Batzordearen aurrean.

Navarro Villoslada BHIk kanpaina batean parte hartu du, Basket Girlz: jarraitzea da zentzuzkoena izeneko proiektuan oinarritua. Helburua da nerabeengan saskibaloiaren onurak sustatzea.

Egurrezko hankatik exoeskeletora: berriro ibiltzeko ametsa Luis Amigó ikastetxeko DBHko 2. mailako ikasleek esklerosi anizkoitzari laguntzeko prestatu duten proiektua da. Teknologia irakasgaitik abiarazi da, baina mailako gainerako irakasgaien laguntza izan du.