Nafarroako Unibertsitate Publikoko Bigarren Hezkuntzako Irakasletzako unibertsitate masterra egiten ari diren ikasleek ezagutzeko aukera izan dute DBHn geologia eta geografia irakasteko erabiltzen den errealitate handiagotuko harea-kutxa. Erakustaldia Ribaforadako El Cierzo BHIko Matematika arloko irakasleek eman dute; izan ere, eskoletan erabiltzen dute.
Errealitate handiagotuko harea-kutxari esker, benetako hareari forma emanez eredu topografikoak sortzeko modua izaten dute erabiltzaileek, gero harea denbora errealean goratzeko, elebazio-mapa koloredunak, sestra-kurba topografikoak eta ur simulatua eratuz. Horrela, sistemak kontzeptu geografiko, geologiko eta hidrologikoak irakasten laguntzen du, hala nola mapa topografiko bat nola irakurri, sestra-kurbak, arro hidrografikoak edo ur-bilketarako eremuak zer diren, bai eta dikeek nola funtzionatzen duten ere, besteak beste.
Ikasleek harea modu fisikoan erabil dezakete, ukitu eta manipulatu dezakete. Hartara, irakasgai batean baino gehiagotan erabil daiteke, oro har, Biologian eta Geografian. Baita beste irakasgai batzuetan ere, esaterako, Matematikan.
El Cierzo BHIko ikasleen onarpena berebizikoa da. Izan ere, ikasleen % 98k parte hartu du, kontzeptu asko ulertu eta, orobat, aplikatu dituzte.
Nahi izanez gero, hemen irakur dezakezu Diario de Navarran 2022ko urtarrilaren 18an argitaratu zen berria.
Sarrera hau ere eskuragarri dago hemen: Espainiera