Berriak

Ikasturte honetan, Tafallako Marqués de la Real Defensa HLHIPko Lehen Hezkuntzako 6. mailako ikasleek Afrikaren gaineko proiektu bat dute esku artean: bit.ly/africamilhistorias. Hainbat proposamen lantzen dituzte: 20 herrialde ezagutzea Espainian dituzten enbaxadei bidalitako gutunen bidez, kulturaren, arteen, aktibismoaren, kirolaren eta abarren arloko Afrikako edo afrikar jatorriko 40 pertsonarekin harremanetan jartzea… (horietatik guztietatik 18rekin dute harremana oraindik). Proiektu horretatik bi ekimen atera ziren: #KakaoEsklabotza eta #MOBILizaZaitezOihanarengatik.

Liceo Monjardín ikastetxeak, Herbehereetako, Suediako, Kroaziako eta Txekiar Errepublikako ikasleekin batera, abian du FutEUre food proiektua, etorkizuneko elikagaiei buruzkoa. Hiru ikasturteko iraupena izanen du, eta jardueren artean joan-etorriak daude: Europako zenbait ikasle Iruñera etorri berri dira; Iruñeko ikasleak Herbehereetan izan dira aurten, eta datorren urtean Suediara eta Kroaziara joanen dira.

Nafarroako Eskola Kontseiluak IDEA aldizkariaren 54. zenbakia argitaratu du. Kasu honetan, Nafarroako Hezkuntzaren aldeko Itun Soziala jorratzen du.

Herritarrekiko Harremanetako Departamentuak eta Navarro Villoslada BHIk “Mis amigos de entonces” antzerki-lana programatzen dute. Emanaldiak otsailean, martxoan eta apirilean izanen dira; martxoaren 27koa, Baluarten.

Nafarroako Saskibaloi Federazioak lehiaketarik gabeko kirol-hastapeneko EDUCA programa jarri du abian Lehen Hezkuntzako 1. eta 2. mailako (6-8 urte) neska-mutilentzat. Jarduera horrek ez du saskibaloia helburutzat hartzen, baizik eta parte-hartzaileek oinarrizko trebetasun psikomotorrak eta kirolarekiko gustua hartzea lortzeko bitartekotzat. Ekimena 2018an hasi zen, eta pandemiaren ondoren itzuli da.

Kinesis Napoliko L’Orientale Unibertsitateak gidatutako proiektu bat da, eta Nafarroako Unibertsitateko Kultura eta Gizarte Institutuaren eta Errealitate Sozialaren Behatokiaren laguntza ere badu. Horri esker, Italiatik, Alemaniatik, Herbehereetatik edo Estoniatik datozen ikasleek praktikak egiten ahalko dituzte despopulazioak kaltetutako Nafarroako herrietan.

«El secreto de Manya» Iruñeko Udalak DBHko 4. mailako kimika-eskoletako ikasleei eskaintzen dien jarduera pedagogikoa da, jolasean eta Marie Curie figura zientifikoan oinarritzen dena ikasleei eredu atomikoei, aldizkako taulari edo propietate zientifikoei buruzko ezagutzak helarazteko.

Atarrabiako Udaleko Ingurumen eta Gazteriaren alorrak gure planetarekiko bake-deklarazioa antolatu zuen. Horretarako, bonbardaketa bat egin zuen, bertako landareen haziekin egindako 400 bola botata Ezkaba Txikiren hegaletan. Ekintza horrek Ukrainako bonbardaketei aurre egitea du helburu, baina, horretaz gain, haurrak eta gazteak kontzientziatu nahi ditu, ingurunea zaindu eta ezagut dezaten.

«Zurginaren bankua» proposamen didaktiko bat da. Haren sorburua da ikasleek zurezko objektu bat diseinatu eta sortzeko duten interesa, objektu hori erabilgarria izan daitekeelakoan komunitateari zerbitzu emateko edo norberak erabiltzeko.

Eskola sistemak gatazka berriei aurre egin behar die, eta aldaketak eta eskariak sortzen ari dira. Hori dela eta, ezinbestekoa da eskola berrindartzea gizarteak gaur egun dituen beharrei erantzun ahal izateko.

La Leonera TV proiektu bat da, YouTubeko kanal bat: ikasgelako lanean oinarrituriko programa eta bideo horietan hainbat irakasgairen edukiak eta gaitasunak jorratzen dira. Kanalaren programazioan maila guztietako ikasle-taldeek parte har dezakete, bai eta irakasleek ere, edozein dela ere irakasten duten gaia.

Nafarroako Gobernuak, Herritarrekiko Harremanetako Departamentuaren bitartez, ‘Aniztasuna, aberastasun’ eskola-lehiaketaren V. edizioaren deialdia egin du. Lehiaketa hori Lehen Hezkuntzako, Bigarren Hezkuntzako eta Lanbide Heziketako ikasleendako da, eta “Ezagutu nazazu” da oraingo gaia. Lanak aurkezteko epea martxoaren 24an bukatuko da, bai euskararen kasuan, bai gaztelaniaren kasuan.

“Haur zaintzaileak, haur sentikorrak” proposamen didaktikoa New Health Fundazioaren Eskola Konpasiboak garatzeko proiektu baten barruan kokatzen da.