Berriak

Padre Moret – Irubide institutuak Eskola Solidarioen proiektua garatu du Palestinako kulturaren alde, Gure mugak hautsiz. Israelekin gatazka hasi zenetik 75 urte bete direnean, DBHko 4. mailako ikasleek erbesteko herri palestinarraren egoera, jatorrizko kultura eta Iruñeko harrera aztertu dituzte.

Joan den udako sutearen ondorioz hegaztiak babesteko habitata galdu ondoren, San Juan – Donibane LHIKko Arotzeriako eta Altzarigintzako Oinarrizko Lanbide Heziketako 1. mailako ikasleek habia-kutxak sortu eta zintzilikatu dituzte. Hori guztia Nafarroako Gobernuko Mendi Zaintzailearen eta Gorosti elkartearen lankidetzarekin. Proiektu honek Iruñeko Udalak antolatzen duen Zerbitzurako Ikaskuntza Proiektuen VI. Lehiaketan parte hartu du.

Cardenal Ilundain ikastetxeko LHko 6. mailako ikasleek ikaskuntza- eta zerbitzu-proiektu bat egin dute; izena du “Ponte al corriente, involúcrate”. Helburua da ikastetxetik laguntzea ingurumena gehiago errespetatuko duen auzo jasangarriago bat sortzen.

Horixe da Jaso Ikastolako hezkuntza-proiektu berri baten izenburua; asmoa da gazteak autismoaren gainean kontzientziatzea. 2013az geroztik, eduki sozialeko gaiak biltzen dituzten musikalak egiten dituzte. Aurten, eta ikasleek hala nahi dutelako, Autismoaren Espektroko Nahasmenduari (AEN) helduko zaio, bereziki gaitasun handikoari (Asperger-en sindromea). Hori guztia musikaren eta dantzaren bidez, eta euskaraz.

Nafarroako Eskola Kontseiluak bere azken liburua argitaratu du: Eskola jardunaldia. Hausnarketak eta datuak. Bertan, aditu kualifikatuen hitzaldiak jasotzen dira. Hitzaldi horiek eskola-orduen banaketari buruzko proposamenak helarazten dizkigute, baita lanaldi motak errendimendu akademikoan duen eraginari buruz zer dakigun ere, ikuspegi medikoarekin osatuta.

Hezitzaile Eskolako Haur Hezkuntzako zikloko ikasleek ikaskuntza- eta zerbitzu-proiektu bat egin dute, Elkartuz-Encontrándonos izenekoa. Iruñeko Alde Zaharreko familiekin esku hartzeko proiektu parte-hartzaile bat da, Hezitzaile Eskolak eta Saretuz Alde Zaharreko Haurren Arretarako Sareak garatua.

IES Basoko “Ayudantes y Ciberayudantes” proiektuak Nafarroa ordezkatuko du Eskola Kontseilu Autonomikoen Topaketetan XXIV. Bilera Granadan izango da Andaluziako Eskola Kontseiluaren egoitzan, ekainaren 13an eta 14an.

Nafarroako Goi Mailako Musika Kontserbatorioak estreinatu du Liebeslied-Robert & Clara lana. Proiektu musiko-eszeniko sortu berria da; Nafarroako Goi Mailako Musika Kontserbatorioko irakasle talde batek aurkezten du.

“Adimen artifiziala hezkuntzaren etorkizunean” da Nafarroako Gobernuko Hezkuntza Departamentuak teknologia honek hezkuntza sistemarentzat dituen erronken eta aukeren inguruan hausnartzeko antolatutako jardunaldiaren izenburua.

Nafarroako Ikastolen Federazioak 25 urte daramatza euskarazko haur eta gazte literatura sustatzen. Juul proiektuaren helburu nagusia euskaraz irakurtzearen plazerra sustatzea da. Haur eta gazte literatur hauteskundeetan bozkatuenak diren idazle eta marrazkilarien Juul sari banaketa egin zen.

Cumbresda Nafarroako Erriberak diseinuaren munduarekin urtero izaten duen hitzordua. Eskola eta Enpresa Jardunaldiak dira; diziplina askoren arteko topagune gisa sortu ziren, esperientziak partekatzeko eta sektore horren gaurkotasunari buruz hausnartzeko. Urtero egiten dira Corellako EASDi-n.

Aurtengo jardunaldiak martxoan egin ziren. Jardunaldietan, Corellako EASDi-k ikasgeletatik haratago hedatzen du bere prestakuntza-espazioa, sektoreko profesionalak eta enpresak integratuz, eta praktika esperimentaleko tailerrak ere egiten dira. Horretarako, erabiltzen da diziplina anitzeko formatu bat, zeina sortu baitzen hezkuntzaren ikuspegi hedatu bat hartuta, hobeki ulertzeko diseinuak egungo gizartearekin duen harremana. Ikasle-taldeen eta haien irakasleen kohesioa lortu nahi da, ikastetxe-proiektu komun baten bidez, hala nola Diseinu eta Enpresa Jardunaldiak antolatuz.

Hemen duzu aurtengo kartela.

Hemen kontsulta ditzakezu aurtengo jardunaldietan izandako hitzaldiak eta tailerrak.

Consumópolisen helburua da eskola-komunitateari tresna praktiko eta dinamiko bat eskaintzea, egungo eta etorkizuneko kontsumitzaileen garapen integralean lagunduko duena. Kontsumo-gizarte gero eta bidezkoagoa, solidarioagoa eta arduratsuagoa eraikitzea ahalbidetzen duten kontzeptuak, prozedurak eta jarrerak ikasteko tresna bat da.

Nafarroako ikastetxe publiko guztiek badute jada gida metodologiko bat, ikastetxe inklusibo bihurtzeko; gida hori Nafarroako Hezkuntza Ekitaterako Baliabide Zentroak (NHBZ), Hezkuntza Departamentuko Inklusio, Berdintasun eta Bizikidetza Zerbitzuak, Italiako Modena 1 institutu inklusiboko irakasleek eta Portugalgo Vilelako eskola multzoak egin dute. Gida gaztelaniaz, euskaraz, ingelesez, italieraz eta portugesez egin da, eta Erasmus+ KA201 4 All du izena.