Nafarroako Gazteriaren Institutuak abian jarri du gazteendako informazioaren berriemaileen programa, bost herritan. Heldu den ikasturtean, hamabi ikastetxetako ikasleek informazio interesgarria zabalduko dute ikaskideen artean, hala nola bekak, prestakuntza-ikastaroak, aukerak eta mugikortasun eta ongizate emozionaleko programak, besteak beste.
Ekimenaren helburua da hobeki hedatzea gazteendako informazioa Bigarren Hezkuntzako, Batxilergoko eta Lanbide Heziketako ikasleen artean, gazteen bidez hedatuta; izan ere, informazioa berdinen artean eta gazteen berezko bideen bitartez zabaltzen da hala.
Hemen irakurtzen ahal duzu Nafarroako Gobernuaren webgunean argitaratutako berria (gaztelaniaz).
Sarrera hau ere eskuragarri dago hemen: Espainiera