Itziar Mateok, Virginia Orozek eta Marta Piñeirok osatzen dute Nafarroako Dantza Eskolako zuzendaritza-taldea. Apirilaren 29an “El Bosquecillo-n” ospatu zuten beraien eguna, arte hori ezagutzera eman eta zabaldu nahi duten ekimen batean.
60 urte baino gehiago daramatzan Nafarroako Dantza Eskola ezagutzera ematea zen helburua. Irakaskuntza hau 1963an hasi zen Nafarroan, Fernando Remacha konpositore eta musikariak Jesus Zamarbide dantzariari kotserbatorioko Dantza Espainiarraren eta Flamenkoaren ikasketen ardura hartzeko eskatu zionean. Aurrerago, Peter Brown irakaslea kontratatu zen Dantza Klasikoaren espezialitateaz arduratzeko.
Bere ibilbidea Pablo Sarasate Kontserbatorioaren eraikinarekin partekatuz hasi zuen Agoitz kalean. 1987an José Láinezek egoitza independiente bat sortu zuen Urzainqui kalean, ondoren Orbinako Público García Galdeano ikastetxeko instalazioetara pasa zen eta 2008an José Vila ikastetxe zaharreko bigarren solairuan kokatu zen behi betiko.
Bertan, Espainiako Dantza Klasikoaren eta Dantzaren Oinarrizko Maila eta Maila Ertaina ematen dira, baita Dantzaren Hastapeneko bi ikastaro eta helduentzako eskola irekiak ere, Klasikoan, Flamenkoan eta Dantza Garaikidean prestakuntza jasotzen dutenak.
Sarrera hau ere eskuragarri dago hemen: Espainiera