El Lebrel Blanco taldea pasa den mendeko 70eko hamarkadaren hasieran sortu zen, eta 1990era arte egon zen jardunean. 18 urte horietan 46 muntaia estreinatu zituzten familientzat eta helduentzat. Taldearen 50. urteurrenarekin bat etorriz, Plaza de la Cruz BHIko Batxilergoko 2. mailako ikasleak ikerketa proiektu bat garatzen ari dira, antzerki talde horrek bere garaiko ikusleengan izan zuen eragina ezagutzeko.
Proiektua Ikerketa Batxilergokoa da. Musikako eta arte eszenikoetako artxiboaren funtsetara ekarritako dokumentazioa aztertu da, elkarrizketak egin dira, eta zenbait liburu oinarri hartu dira, adibidez, Víctor Iriarte Ruiz antzerki kritikari eta kazetari iruindarraren La colopenda historia del grupo de teatro El Lebrel Blanco. Horren guztiaren ondoren, fase berria dator orain: El Lebrel Blanco antzerki taldearen obrek jendaurrean izan zuten eraginaren testigantzak biltzea, galde-sorta labur baten bidez.
Hemen kontsulta dezakezu Diario de Navarra egunkarian 2022/10/13an argitaratutako albistea.
Sarrera hau ere eskuragarri dago hemen: Espainiera