Nafarroako Memoriaren Institutuak ‘Fuego’ antzerki-lanaren bi funtzio programatu ditu, memoriaren eta giza eskubideen belaunaldi arteko transmisioan lanean jarraitzeko. ‘La Joven Compañía’ taldeak antzezten du lana. Memoria duten Eskolak programaren barruan kokatzen da ekimena. Programa horren helburua ikastetxeetan bakearen eta bizikidetzaren kulturan heztea da.
Lan hori ‘Mapa de las ruinas de Europa’ tetralogiaren parte da. ‘Fuego’ Bigarren Mundu Gerraren atarian dago girotuta, eta hainbat gai jorratzen ditu, hala nola gazteen masen manipulazioa eta gorroto-diskurtsoen hedapena.
Nafarroako hainbat herritako DBHko, Batxilergoko eta Lanbide Heziketako ikasleek ikusiko dute lana. Horietako batzuek, obra ikusteaz gain, gazteentzako dramaturgia-tailer batean parte hartuko dute, hainbat gairen inguruan: gazteen masen manipulazio ideologikoa, intolerantzia eta gorrotoaren transmisioa.
Diario de Navarra egunkarian 2022/02/04an argitaratutako albistea ikus dezakezu hemen, eta Nafarroako Gobernuaren albiste-buletinean argitaratutakoa, hemen.
Sarrera hau ere eskuragarri dago hemen: Espainiera