Nafarroako Eskola Kontseiluak “Landa Eremuko Eskola Nafarroan” gaidun bere XIX. Jardunaldiak egingo ditu apirilaren 7 eta 8an. Familia, irakasle, profesional eta udal arduradunei zuzenduta eta Nafarroako Museoaren Areto Nagusian izanen dira.
Hezkuntza komunitatetik eta komunitatera hausnarketak ekartzea bilatzen dute Jardunaldiek. Helburu nagusien artean landa eremuko eskola definitzea, beste lurraldeetan eredugarriak diren landa eremuko ereduak ezagutzea, hezkuntza komunitatea eta inguruaren arteko harremana aztertzea, landa eremuko zenbait ezaugarri landu edota Nafarroako landa eremuko eskoletan egiten diren esperientzia esanguratsuak partekatzea da.
Apirilaren 7ko jardunaldia, ostiralekoa, bilera adituekin eta agente ezberdinekin modu zuzenean gaiak eztabaidatzeko eta arratsaldean saio ireki bat, Hezkuntza Kontseilaria den José Luis Mendoza Peña eta Nafarroako Eskola Kontseiluko Lehendakaria den Aitor Etxarte Berezibarrek irekiko dutena. Ondoren, arituko dira: Ana Isabel Ayala, Aragoiko Hezkuntza Departamentuko Berrikuntza, Ekitate eta Parte Hartzeko Zerbitzu burua; Mikel Goñi, Euskadiko Eskola Txikien Koordinatzailea, Berritzegunea; eta Roser Boix Tomas, Bartzelonako Unibertsitatean Hezkuntza Fakultateko Dekanoa.
Apirilaren 8ko Jardunaldia, goizean izango da eta landa eremuko eskolen praktiken aurkezpenak egingo dituzte ondoko ikastetxeek: Arronizeko “La Balsa” (Cat supermarket); Etxalarko “Landagain” (Komunitate inklusiboa); Luzaide/Valcarlos eta Arnegiko eskolak (Nazioarteko lankidetzak), Uharte Arakil, Olazti, Urdiain eta Arbizuko herri eskolak (Eskolen abiapuntu berritzailea); eta Uxueko eskola (Aurkikuntzatik ikasketara).
Ostiralaren jardunaldia gaztelaniaz izango da. Larunbatekoa berriz, euskaraz, gaztelaniaz eta frantsesez, aldibereko itzulpenarekin.
Jardunaldien berri aldi berean Kontseiluaren web gunean emango da, eta hitz egindakoa “IDEA” aldizkaria eta Monografia batean islatuko da.
Jardunaldien aurkezpena martxoaren 9an egin zen, Ezpeleta Jauregian, Nafarroako Eskola Kontseiluaren egoitzan.
Interesatutako pertsonek beren izen eman dezakete consejo.escolar@navarra.es helbidera idatziz edota 848 42 87 86 eta 848 42 87 88 zenbakietara hots eginez. Plazak murritzak dira.
Hemen klik eginda diptikoa irakurri dezakezu eta hemen, berriz, kartela. Hemen klik eginda Diario de Noticiasek Jardunaldien inguruko erreportajea irakurri dezakezu eta hemen Landa eremuko eskolen harira idatzitako artikulua. Ondoko loturan, 2017/04/03an Diario de Noticiasek argitaratutako erreportajea irakurri dezakezu. Ondorengo bideoan, 9:40 minututik aurrera Jardunaldien berri ematen dute.
