Berriak

Azkoiengo Juan Bautista Irurzun ikastetxeko ikasleek Roald Dahl egilea aztertu dute apirilean eta, bereziki, bere «Matilda» lana.

Nafarroako Lanbide Heziketako ikasle batzuek benetako ekintzailetzarako Cooperative Campusizeneko ekimen aitzindarian hartu dute parte, Europako beste eskualde batzuekin batera.

Nafarroako Lanbide Heziketako zortzi ikastetxe publikotako ikasleek Navarraskills lehiaketaren lehen edizioan hartu dute parte. Hezkuntza modalitate horretako Nafarroako lehiaketa apirilaren 29an egin zen, eta, amaieran, sariak eman zitzaizkien lehiaketak irabazi zituzten hamaika ikasleri eta beste hamabost ikasleren trebetasunak erakutsi ziren hainbat modalitatetan.

KIMUA metodologiari buruzko jardunaldietan, María Chivite lehendakariak 32 ikasleri eman dizkie sari bereziak, beren titulazioak aparteko kalifikazioekin amaitu baitituzte. Lanbide Heziketa Nafarroaren lehiakortasunerako eta garapen ekonomiko eta sozialerako funtsezko elementutzat hartu du.

Lizarrako Gustavo de Maeztu Museoak nahieran eginen diren topaketen programa bat abiarazi du artelanak hurbilagotik ezagutarazteko. Haietan etorkizuneko turismo-gidariak arituko dira: Turismoko Gidaritza, Informazio eta Laguntzako goi mailako zikloko ikasleak, hain zuzen, Lanbide Heziketako Politeknikokoak.

Nafarroako Goi Mailako Musika Kontserbatorioak parte hartu du CSMN Music Truck proiektuan. Ekimen kultural berri honi esker musika-ekitaldi txikiak egiten dira Iruñeko zenbait gunetan. Ekimenaren helburua da zuzeneko musika hurbiltzea guneetara eta jendearengana. Eskuarki ez da halako proposamenik ikusten kalean.

«Ausartak» izenburua jarri diote Iruñeko Le Bal Dantza Eskolako ikasturte amaierako proiektuari. Eskola horretako 7 eta 25 urte bitarteko 200 ikaslek baino gehiagok parte hartu dute, eta helburua izan da eskola-jazarpenaren aurkako kontzientziazioa areagotzea.

Iruñeko Claret Larraona ikastetxeko 14 eta 18 urte bitarteko ikasleek Politikaren Jardunbide Egokirako Kode Kode Etikoa aurkeztu zuten apirilaren 27an Nafarroako Parlamentuan.

“Mila milioi ahots” lemapean hasi da Hezkuntzaren aldeko Munduko Ekintza Astea (HAMA). Aurten agerian utzi nahi da nola ari den eragiten COVID-19a hezkuntzan eta nola larriagotzen ari den hezkuntzaren finantzaketan munduan dagoen krisia.

Eskubide Sozialetako Departamentuak eta Nafarroako Unibertsitateak nerabeekin egindako narratiben metodologiari buruzko gida bat aurkeztu dute. Gida hori Sofía Brotóns-ek Puente ikastetxean (Gares) eta Etxabakoitz lantegi eskolan (Iruña) egindako hiru urteko ikerketaren emaitza da. Gida honetan, narratiba erabiltzen da gazteen autoezagutza areagotzeko eta etorkizuneko proiekzioak hobetzeko.

Apirilaren 20an, asteartea, hezkuntzarako COVID-19 koordinazio batzorde teknikoaren bederatzigarren bilera egin zen telematikoki. Bileraren helburua zen ikasturtea modu seguruan garatzen dela bermatzeko ekintzak ikuskatu eta koordinatzea eta hezkuntza-komunitatearen gaineko ukipenari buruzko informazioa aztertzea.

Hezkuntza Departamentuak eta Nafarroako ijitoen komunitateak “Prestakuntza aurrerapenerako eta aukera-berdintasunerako bidea da” kontzientziazio kanpaina bultzatu dute, etnia horretan eskolatzea bultzatzeko.

Tuterako ikastetxeetako Haur eta Lehen Hezkuntzako ikasleek lantegietan hartu dute parte, Barazkiaren Festen karietara herritarren artean elikadura osasungarria sustatzeko xedez.