Berriak

«Enklabe ikasgelak» Nafarroako Gobernuko Hezkuntza Departamentuaren proiektu pilotu bat da; hezkuntza bereziko ikastetxeek artatutako ikasgelak dira, baina Nafarroako ikastetxe arruntetan kokatuak. Horri esker, hezkuntza-premia berezia duten ikasleek ikastetxe arruntetan ikasi ahal izanen dute.

Zangozak lorategi bat eskainiko du COVID-19 pandemiaren biktimak gogoratzeko eta birusaren kontrako borrokan lehen ilaran zeudenak eta daudenak aintzatesteko.

Burlatako lanbide heziketako ikastetxe bateratuak jardunaldi bat eginen du bere ikasleen eta ekintzaile garrantzitsu batzuen artean; ekintzaile horiek dira ikastetxeko prestakuntzaren xede diren sektore profesionaletakoak.

Nafarroako zazpi herritara iritsiko da zinema-bira bat zientzia gazteengana hurbiltzeko. Nafarroako Unibertsitateko Zientzia Museoak sustatzen du #LabMeCrazy! Sciencia Film Festival ekimena. Liburutegi publikoetan garatuko da, eta jarraipena emango dio Zientzia Museoak urtero antolatzen duen zinema zientifikoaren nazioarteko jaialdiari.

Beste behin batean Cortesko Cerro de la Cruz HLHIko hezkidetza-batzordeak planteatutako hezkuntza-proiektu bat da. Helburua da ipuin klasikoak eta tradizionalak aztertzea eta bertsio garaikoago, berdinzaleago eta hezkideago bat egitea.

Iruñeko Udalak Iruña, hiri hezitzailea izeneko gida bat argitaratu du. Udalaren hezkuntza baliabide guztiak biltzen ditu gida horrek, eta informazioa eskaintzen du paperean zein webgunean, arloka, adinka, hezkuntza mailaka edo populazio taldeka.

Mendillorri BHIko ikasleek LGTBIQ+ kolektiboaren sentsibilizazio jardunaldi batzuetan hartu dute parte.

Nafarroako Estatistika Institutua (Nastat) eta Hezkuntza Departamentuko Hezkuntzako IKT Azpiegituren Atala Mendillorri BHIko zuzendaritza-taldearekin eta hor ikasten duten neska batzuekin bildu dira, zorionak emateko azken horiek Europako Estatistika Lehiaketaren Espainiako fasea irabazteagatik.

Azkoiengo Juan Bautista Irurzun ikastetxeko ikasleek Roald Dahl egilea aztertu dute apirilean eta, bereziki, bere «Matilda» lana.

Nafarroako Lanbide Heziketako ikasle batzuek benetako ekintzailetzarako Cooperative Campusizeneko ekimen aitzindarian hartu dute parte, Europako beste eskualde batzuekin batera.

Nafarroako Lanbide Heziketako zortzi ikastetxe publikotako ikasleek Navarraskills lehiaketaren lehen edizioan hartu dute parte. Hezkuntza modalitate horretako Nafarroako lehiaketa apirilaren 29an egin zen, eta, amaieran, sariak eman zitzaizkien lehiaketak irabazi zituzten hamaika ikasleri eta beste hamabost ikasleren trebetasunak erakutsi ziren hainbat modalitatetan.

KIMUA metodologiari buruzko jardunaldietan, María Chivite lehendakariak 32 ikasleri eman dizkie sari bereziak, beren titulazioak aparteko kalifikazioekin amaitu baitituzte. Lanbide Heziketa Nafarroaren lehiakortasunerako eta garapen ekonomiko eta sozialerako funtsezko elementutzat hartu du.

Lizarrako Gustavo de Maeztu Museoak nahieran eginen diren topaketen programa bat abiarazi du artelanak hurbilagotik ezagutarazteko. Haietan etorkizuneko turismo-gidariak arituko dira: Turismoko Gidaritza, Informazio eta Laguntzako goi mailako zikloko ikasleak, hain zuzen, Lanbide Heziketako Politeknikokoak.