Berriak

Bigarren Hezkuntzako ikasleei zuzendutako bide-segurtasuneko programa bat da; biktimen testigantzak biltzen ditu, ikasleak ohar daitezen garrantzitsua dela arauak betetzea eta zuhurtzia handiz jokatzea trafiko-istripuak saihesteko. Nafarroako Gobernuak sustatzen du, duela hamarkada batetik.

Padre Moret-Irubide institutuak jaso du Fundación El Mundo del Superdotado fundazioaren 2022ko sari nazionaletako bat, hezkuntza bikaintasunari eskainitakoa hain zuzen. DBHko 2. mailatik Batxilergoko 1. mailara bitarteko ikasleentzat dira sari horiek.

Leitzako Amazabal eta Berako Toki Ona institutuetako ikasleek, hurrenez hurren, epaimahaiaren saria eta publikoaren sari berezia lortu dituzte UEMAk, Udalerri Euskaldunen Mankomunitateak, Nafarroako Gobernuaren eta Eusko Jaurlaritzaren lankidetzarekin antolatzen duen Arnasetik bideosormen lehiaketan.

Nafarroako Gobernuko Migrazio Politiketako Zuzendaritza Nagusiak, Ayllu-Kulturen arteko Bizikidetzarako eta Arrazismoaren eta Xenofobiaren aurkako Borrokarako Zerbitzuaren bidez, “Nafarroa Koloretan” izeneko haurrentzako ipuin ilustratuen lehiaketa deitu du. Ipuinak aurkezteko epea azaroaren 24an amaituko da.

Iñigo Casalíren El gigante egoísta opera Gaztambide Antzokian taularatuko da abenduan. Opera Oscar Wilderen ipuin batean oinarritua da, eta bi egunetan antzeztuko da: abenduaren 18an, publiko orokorrarendako, eta 19an, berriz, ikasleendako.

Izar Eskola Iruñeko Planetarioko programa zaharrena da, etengabe aritu baita hogeita hamar ikasturteetan. Gauzak horrela, haren hezkuntza jardueraren ardatza da, baita zentroko proposamen ezagun eta berezienetako bat ere.

11 herritako Lanbide Heziketako ikastetxe publikoek beren ekintzailetza-geletan 16 proiektu landuko dute ikasturte honetan, hala nola gurpil-aulkiak lur irregularretara egokitzea, adinekoentzako ateak irekitzeko sentsoreak edo bizikletetara egokitu daitezkeen gailuak, garapen bidean dauden herrialdeetan ura ponpatzeko.

Herritarrekiko Harremanetako Departamentuak, Euskarabidearen bidez, Sarean Euskaraz programaren VI. edizioa abiarazi du. Programa DBHko 4. mailako eta Batxilergoko 1. mailako ikasleei zuzenduta dago. Helburua da, batetik, euskararen erabilera ezagutaraztea eta sustatzea informazioaren eta komunikazioaren teknologien esparruan, eta, bestetik, kultura digitala sustatzea euskaraz, bereziki gazteen artean. 

Logotipoa estreinatu du Nafarroako Landa Eskolen Sareak. Proiektua kokatzen da Nafarroako 12 landa eskolen eremuetako koordinatzaileek eta Hezkuntza Departamentuko Haur Eskolen eta Landa Eskolen Atalak osatutako lantaldeak egindako ikuspen-estrategien barruan.

El Lebrel Blanco taldea pasa den mendeko 70eko hamarkadaren hasieran sortu zen, eta 1990era arte egon zen jardunean. 18 urte horietan 46 muntaia estreinatu zituzten familientzat eta helduentzat. Taldearen 50. urteurrenarekin bat etorriz, Plaza de la Cruz BHIko Batxilergoko 2. mailako ikasleak ikerketa proiektu bat garatzen ari dira, antzerki talde horrek bere garaiko ikusleengan izan zuen eragina ezagutzeko.

Eustory gazteendako historia-lehiaketa bat da, eta “ikertuz ikastea” kontzeptua du oinarri: gazteek ikasgeletan egin ohi ez diren lan mota bat egin behar dute lehiaketan parte hartzeko Helburua da ikasleak hurbilekoa zaion zerbait ikertzeko planifikatzea, datuak bilatzea eta aztertzea, eta ikasitakoa azaltzea berak aukeratzen duen formatuan.

SESSAMO proiektua (Bigarren Hezkuntzako ikasleen jarraioena, osasun mentala eta obesitatea baloratzeko) programa aitzindaria da. Bigarren Hezkuntzako ikasleen osasun mental eta fisikoa ebaluatuko du, eta nerabeen jarraipena eginen du gazte horiek 25 urte bete arte.

2022ko urriaren 5ean, Manuel Martín Iglesias Nafarroako Eskola Kontseiluko burua Nafarroako Parlamentuko Hezkuntza Batzordearen aurrean agertu da, Nafarroako Foru Komunitateko Hezkuntzaren aldeko Itun Soziala aurkezteko, hezkuntza komunitatearen gehiengo zabal batek adostu ondoren.