Berriak

Nafarroako Eskola Kontseiluak bere azken liburua argitaratu du, Nafarroako Hezkuntzaren aldeko Itun Soziala izenekoa.

Nafarroako Hezkuntzaren aldeko Itun Sozialaren (Hezkuntza Ituna) helburu nagusia da bermatzea hezkuntzarako eskubidea, Konstituzioan eta Estatutuan jasoa, errespetatzen direla ekitatearen, kalitatearen eta erantzunkidetasunaren printzipioak, eta hezkuntzako eragileek parte hartzen dutela, Nafarroa beti izan dadin komunitate kohesionatua, hala gizarteari nola lurraldeari dagokienez. Horretarako, nahitaezkoa da hezkuntza-eredu propio eta egonkor bat, aintzat hartuta Nafarroaren ezaugarri sozialak nahiz ekonomikoak eta bertako lurraldeen bereizgarriak.

San Babil ikastetxeak eta CER Ablitasek  bat egin dute erriberako herri honetako kaleko katuei laguntzeko. Elkarte hori herriko kaleko katuen koloniak kontrolatzeaz arduratzen da, eta ikasleei erakutsi die zertan datzan haien lana.

Larragako San Miguel ikastetxe publikoak birziklapenean, berrerabileran eta hondakinen bereizketan oinarritutako proiektu bat aurkeztu du, Hondakinen Partzuergoarekin eta Izarbeibarko Mankomunitatearekin batera. Helburua da herri jasangarriago bat izatea, ikasleei esker hondakinak hobeki kudeatzen dituena.

Nafarroako Unibertsitateko Euskara eta Euskal Kulturako Katedrak onomastikari buruzko gida didaktikoa editatu du, ikasleei zuzendua. Doan deskarga daiteke, gaztelaniaz eta euskaraz, eta laster argitaratuko da izenburu honekin: Engraxitik Garazira. Izenen misterioa Nafarroan.

TwinSpaceko proiektu bat da, Erasmus+ 2021-KA-121-SCH-000012409 programaren barruan. Salestarren ikastetxeko ikasleek parte hartzen dute, Frantzia, Italia, Grezia eta Zipreko beste bost ikastetxerekin batera. Helburua da kultura klasikoa ezagutzea.

2021-2022 ikasturte honetan Iruñeko 22 ikastetxek parte hartu dute Iruñeko Udaleko Mugikortasun Alorrak antolatutako ikastaro batean. Helburua da ikasleak gaitzea segurtasunez, autonomiaz eta konfiantzaz mugitu daitezen ikastetxeraino.

Iruñeko Arte eta Goi Mailako Diseinu Eskolak proiektu bat egin du “Ebanisteria Artistikoa” goi mailako heziketa zikloan. Iparraldetik iparraldera du izena, eta gure zikloak Melillako hiri autonomoko Miguel Marmolejo Arte Eskolako ziklo homologoarekin koordinatzea ekarri du.

Julio Caro Baroja BHIko UC taldeak (hezkuntza berezia) irabazi du ONCE Gizarte Taldearen Eskola Lehiaketa, E (hezkuntza berezia) kategorian, Aukera politak lanari esker.

Nafarroako Gobernuak urtero ematen du Nafarroako Karlos III.a Noblearen Gurutzea. Kondekorazio hori sortu zen Foru Komunitatea garatu, ezagutarazi eta hari ospea ematen –nor bere jardueraren esparruan– nabarmendu diren pertsonek eta entitateek egindako lana eskertzeko.

Oibar, Kaseda, Irunberri eta Zangozako ikastetxe publikoetako Lehen Hezkuntzako 4., 5. eta 6. mailetako ikasleek eskolan sortu dituzten bi ipuin-liburu aurkeztu dituzte. Guztira 84 ikaslek hartu dute parte.

Punttuka, braillez euskaraz irakurtzen eta idazten ikasteko lehen metodoa, aurkeztu du Nafarroako Gobernuko Hezkuntza Departamentuak.

Plaza de la Cruz Institutuak bere lehen aldizkari digitala kaleratu berri du #Plaz@. Ikasturtean zehar landu duten proiektua da eta non artikulu gehienak ikasleek egiten dituzte. Horien guztien bozgorailu gisa balio izatea da helburu nagusia, ikasgeletako lana erakustea eta zentrotik pasatu diren irakasle eta ikasle guztiekin konektatzea.

App Checkers proiektuaren helburua da ikasleen pentsamendu kritikoa sustatzea, bai eta haien gaitasun zientifikoa garatzea ere, egiaztapenaren eta fidagarritasunaren kontzeptuekin lotuta betiere. Ikasleek probatuko dute ustez zerbait neurtzen edo detektatzen duen mugikorretarako aplikazio bat; horretarako, esperimentuak diseinatu behar dituzte eta % 0tik % 100era bitarteko fidagarritasun-eskala definitu.