Berriak

Save the Children erakundeak urtero antolatzen du Elkartasun-kilometroak izeneko lasterketa. Hezkuntzako eta eskola-mobilizazioko proiektu bat da, eskola-lasterketa formatukoa, Haur Hezkuntzatik DBHra bitarteko ikasleentzat. Etapa bakoitzera egokitutako proposamen didaktikoak ditu, eta ikasleei aukera ematen die sentsibilizatzeko eta beste haur batzuen bizi-baldintzak hobetzearen alde jarduteko.

Tuterako bost ikastetxetako ikasle batzuk, Lehen Hezkuntzako 4. mailakoak, parte hartzen ari dira Dédalo Fundazioak Kodearen Europako Astean eskaintzen dituen tailerretan. “Kodearekin programatzea Minecraft-ekin” izena dute tailer horiek, doakoak dira, eta helburu dute ikasleek kodea eta programazioa ikastea.

Eustory delakoa historiari buruzko lehiaketa bat da, eta “ikertzen ikasi” da haren oinarrizko kontzeptua. Unibertsitate aurreko ikasleentzako abentura bat da; hartan egiten den lana, segur aski, ikasgelan egiten denaz oso bestelakoa da. Ikasleen hurbileko zerbaitetik abiatuta –familiako norbait, kale baten izena, etab.–, eta aukeratzen duten formatuan, planifikatu, bilatu eta aztertu egin behar dute, gero ikasitakoa besteei azaltzeko.

Garraldako, Otsagabiko, Erronkariko eta Baigorriko irakasle batzuek eta DBHko 4. mailako ikasleek Orbaizetako arma-ola bisitatu dute Erronkariko Interpretazio Zentroko begiraleekin batera. Proiektu batek batzen ditu Pirinioetako bi aldeetako lau ikastetxeak eta beste erakunde batzuk, eta horren barnean egin da mugaz haraindiko lankidetzako jarduera hau.

Behar duten adingabeei etxea, babesa eta zaintza emateko esperientzia paregabea bizi dute harrera-familiek. Nafarroan 260 haur daude babes zentroetan. Nire haurtzaroa ematen dizut, izan zenuen haurtzaroa beste bati eman diezaiokezu orain harrera familia izani.

Telefono mugikorra baduzu, beste baliabide bat gehiago duzu orain, eguneroko lanean laguntzeko. Idazki honetan, mugikorretarako hainbat aplikazio jaso ditugu, hezkuntza-premiak dituzten ikasleen familiei eta profesionalei zuzenduak. Aplikazio horietako batzuek helduentzat ere balio dute. Hezkuntzako eta Lanbide Heziketako Ministerioak egin du zerrenda.

Margarita Salas sarien 3. ediziorako deialdia egin da, izen bereko fundazioarekin lankidetzan. Sari horien bidez, aitortu eta nabarmendu nahi dira emakumeek funtsezko zenbait arlotan zuzentzen dituzten proiektuak (hezkuntza, zientzia, enpresa, sormena eta berrikuntza teknologikoa). Sariek balio dute STEAM bokazioak bultzatzeko, lan-merkatuaren aurreikuspenei erantzunez, eta emakumezko erreferenteak sortzeko, hain zuzen ere belaunaldi berriek eredutzat har ditzaten eta karrera profesionalak beren pasioari eta talentuari jarraituz hauta ditzaten, mugarik eta estereotiporik gabe.

Aurreko asteko asteartean eskolako LH3 mailako kideak Lakuntzako basora joan ziren ziza eta onttoak biltzera. Horretarako, ikasleek komunitateko familiak eta irakasleak izan zituzten laguntzaile.

Programa hau Etxebizitzako, Gazteriako eta Migrazio Politiketako Departamentuak sustatzen du, eta ikastetxeei zuzendua dago. Ikasturte honetan hirugarren edizioa eginen da, eta guztira 17 jarduera garatuko dira bai kulturarteko bizikidetzan sentsibilizatzeko eta bai arrazakeriaren eta xenofobiaren aurka borrokatzeko.

Maiatzean, arrazismoaren kontrako raparen proiektuaren berri eman genuen, zeina abian jarri baitzen Nafarroako hainbat institutu publikotan. Oraingoan, Spotifyko abestien zerrendaren berri eman nahi dugu. Lehen eskuko testigantzak entzun eta gero, immigrazioari, arrazakeriari, enpatiari eta errespetuari buruzko eztabaida saio batzuk egin ziren, eta abestiak saio horien ondoren grabatu ziren.

Uda atseden hartzeko garaia da, deskonektatu, uretan jolastu, txangoak egin, elkarrizketa luzeak izan, irakurri, eta lagunekin egotekoa. Baina euria ari duen egunen baterako edo zer egin ez dakizun momentu horietarako, zerbait proposatu nahi dizugu.

Horixe da, hain zuzen ere, 2022-2023 ikasturtean Santakarako landa eskolan egindako Izan zirelako gara, garelako izango dira izeneko urteko proiektuaren emaitza.

Ikasturtea hastear dago, eta Buñuelgo Santa Ana HLHIko haur hezkuntzako ikasleak oso kezkaturik daude irakasleen zain, ustekabeko atzerapena baitago. Irakasleek txantxa egin nahi izan diete txikienei, eta bainulariez mozorrotuta heldu dira, eguzkitakoa eta guzti.