Berriak

Iruñeko Paderborn-Lezkairu ikastetxe publikoak ikasturte honetan zabaldu ditu eraikin berriaren ateak. María Chivite Nafarroako lehendakariak bisitatu du, eta harekin batera joan dira Carlos Gimeno Hezkuntzako kontseilaria, Manuel Martín Eskola Kontseiluko burua eta Hezkuntza Departamentuko beste ordezkari batzuk, baita Carlos Salvador lehen alkateorde eta Hezkuntza, Berdintasun eta Aniztasuneko zinegotzi ordezkaria ere, Iruñeko Udalaren ordezkari gisa. 

Virgen del Camino IBPko ikasle Alex Santesteban Espainiaren ordezkari gisa arituko da Euroskills 2023 Europako lehiaketan, CNC-Fresatzeko makina espezialitatean. Lanbide-trebetasunak neurtzeko Europako lehiaketa bat da, eta zuzenduta dago 25 urtetik beherako gazteentzat; Lanbide Heziketa ikasten ari diren edo amaitu berri dutenen horientzat, hain zuzen.

Luis Amigó ikastetxeko bi neska ikaslek ibaietan soinuaren bidez mikroplastikoak atzemateko metodo sinple eta ekonomiko bat garatu dute. Proiektu horrekin, ura ikertzeko lanei buruzko nazioarteko lehiaketan parte hartuko dute, Stockholm Junior Water Prize delakoan. Lehiaketa hori Uraren Nobel Sari Junior baten tankerakoa da.

Isterria HBIk baso-bainuak sartu ditu ikastetxearen curriculumeko edukien artean. Adimen-desgaitasuna duten pertsonendako ikastetxe bat da, eta baso-bainuen alde egin du Irakasleen Etengabeko Prestakuntza Planeko hezkuntza berriztatzeko proiektu baten bidez.

Espainiako 9 institututako ikasleak Urania Ikertzaile Gazteen III. Kongresuan parte hartzen ari dira. Kongresu hori Tuterako UHUNen abiarazi zuten eta hiru helburu ditu: kultura zientifikoa sustatzea, pentsamendu kritikoa bultzatzea eta ikerketarako bokazioak sortzea unibertsitatearen aurreko etapetan.

Labor-ESO programa bat da, Derrigorrezko Bigarren Hezkuntzan ari diren ikasleak lan-mundura goiz hurbiltzeko.  Parte hartzen duten ikasleak enpresa batean egonen dira bi astez. Horri esker, euren burua, trebetasun, gaitasun eta interesak ezagutu ahal izanen dituzte, baita lan-errealitatea ere, horretan murgilduta egonen baitira.

Bost ikastetxetako ikasleek hainbat “podcast” egin dituzte migrazioa, klima-aldaketa edo gatazka belikoak bezalako gaiak jorratzeko, Bakea eta Elkartasuna Fundazioaren eskutik.

Lizarran, egoitza-zentroetako adinekoak “yayacletan” ibiltzen ahal dira hango karriketan barna, alegia, adinekoendako egokitutako bizikleta gisako batzuetan. Ibilaldi horiek kokatzen dira Inklusioaren eta Ekintza Klimatikoaren Aldeko Belaunaldi Txirrindularien Erasmus Europako Proiektuaren barrenean. Horretan, Tierra Estella BHIk parte hartzen du, Corellako Alhama BHIrekin eta Corellako Txirrindulariekin batera. Bi horiek fundatzaileak dira, Portugal, Polonia eta Irlandako hiru zentrorekin batera, eta kide da Irlandako plataforma bat ere, zeinak koordinatzen baititu herrialde horretan bizikleta ohiko garraiobide gisa sustatzen duten elkarte guztiak.

Nafarroako Gazteriaren Institutuak abian jarri du gazteendako informazioaren berriemaileen programa, bost herritan. Heldu den ikasturtean, hamabi ikastetxetako ikasleek informazio interesgarria zabalduko dute ikaskideen artean, hala nola bekak, prestakuntza-ikastaroak, aukerak eta mugikortasun eta ongizate emozionaleko programak, besteak beste.

Claret Larraona ikastetxeak, “Desplastíficate” ikaskuntza/zerbitzu proiektuaren bitartez, plastikoaren erabileraren gorakadak ingurumenean dituen ondorio larrien inguruan sentsibilizatzea lortu du. Horretarako, tartean sartu dituzte erakundeak, familiak, auzoak eta baita Lehen Hezkuntzako 1. mailako ikasleak eurak ere.

Teranga proiektua, Calasanz-Eskolapioak ikastetxearena, adinekoen gaitasun digitala hobetzera bideratutako proposamena da; izan ere, adinekoen % 40 ez da inoiz Internetera sartu. Iruñeko Udalak finantzatutako eta saritutako Zerbitzu Ikaskuntzako Proiektuetako bat da.

Padre Moret – Irubide institutuak Eskola Solidarioen proiektua garatu du Palestinako kulturaren alde, Gure mugak hautsiz. Israelekin gatazka hasi zenetik 75 urte bete direnean, DBHko 4. mailako ikasleek erbesteko herri palestinarraren egoera, jatorrizko kultura eta Iruñeko harrera aztertu dituzte.

Joan den udako sutearen ondorioz hegaztiak babesteko habitata galdu ondoren, San Juan – Donibane LHIKko Arotzeriako eta Altzarigintzako Oinarrizko Lanbide Heziketako 1. mailako ikasleek habia-kutxak sortu eta zintzilikatu dituzte. Hori guztia Nafarroako Gobernuko Mendi Zaintzailearen eta Gorosti elkartearen lankidetzarekin. Proiektu honek Iruñeko Udalak antolatzen duen Zerbitzurako Ikaskuntza Proiektuen VI. Lehiaketan parte hartu du.