Hispana Espainiako ondare digitalera sartzeko ataria da, eta Europeanan Espainiako edukiak gehitzen dituena. Haren helburua da Espainiako kultura eta zientzia ondarea Internet bidez eskuratzeko aukera eskaintzea, metadatuak eskuragarri jarriz eta esteken bidez web jabeetara birbideratuz. Halaber, Europako liburutegi digitalean, Europeanan, erakundeen edukia gehitzeaz arduratzen da, haiek hala nahi badute.
Espainiako artxibo, liburutegi eta museoetako bilduma digitalak biltzen ditu. Bilduma horien artean, Espainiako unibertsitateen gordailu instituzionalak eta autonomia erkidegoetako liburutegi digitalak nabarmentzen dira, eta horien bidez Espainiako ondare bibliografikoaren mota guztietako material gero eta ugariagoa eskura dezakegu (eskuizkribuak, inprimatutako liburuak, argazkiak, mapak…).
Plataforma erraz erabil daiteke. Gure intereseko terminoa, terminoak edo esaldiak bilaketa laukitxoetan sartu ondoren, eskatutako informazioari gehien lotzen zaizkion emaitzak emanen dizkigute direktorio horiek. Emaitzak, gainera, aldagai askorekin iragaz daitezke (formatua, hizkuntza, egilea, bilduma, data…) eta horrek aukera ematen du eskainitako emaitzak xehetasun handiagoarekin mugatzeko.
Sarrera hau egin daiteke: Espainiera