Jaso ikastolak Itsas-7 musikala jarri du martxan. Urtero, maiatzean musikal bat estreinatzen dute, eta aurtengoa hamabigarren edizioa izanen da. Ikuskizun bakoitza gizarteko gai baten ingurukoa da; aurten, landa-despopulazioa da gaia. Aurreko urteetan, besteak beste, alzheimerra, autismoa, teknologia berriak, feminismoa eta homofobiaren aurkako borroka jorratu zituzten.
Ikasleek hautatzen dute gaia, gidoia idazten dute, abestiak eta koreografiak moldatzen dituzte, eszenografia, jantziak eta atrezzoa diseinatzen dituzte, argiaz eta soinuaz arduratzen dira eta sare sozialak kudeatzen dituzte.
Istorio distopiko bat sortu dute, herri txikiak nola husten diren kontatzeko, eta landa-mundu bizia aldarrikatu dute. Ikuskizuna etorkizunean gertatzen da. Garai horretan, kutsaduraren eta baliabiderik ezaren ondorioz, gizakiak itsaspean hartu behar izan du babes, kupula handi batzuen bidez uretatik babestu dituzten hirietan. Hortik dator izenburua: Zazpi izena du lehorrean gelditzen den azken herriak, eta hitz-jokoa sortzen da “itsas azpi” esamoldearekin.
Hemen irakur dezakezu Diario de Navarran 2024ko maiatzaren 8an argitaraturiko berria.
Sarrera hau ere eskuragarri dago hemen: Espainiera