Euskarabidea-Euskararen Nafar Institutuak eta Nafarroako zenbait toki erakundek 2020an abiarazi zuten Gurasoen Eskola proiektua, ikastetxean euskara ikasten duten haurren familiei zuzendua. ERA Eskola da, online saioak dituena informazio egokitua emateko, bai euskaraz dakiten gurasoei, bai euskaraz ez dakitenei; eta YouTubeko kanalean argitaratuta daude saio horiek: www.youtube.com/c/EraNafarroa/. Bi playlist daude bertan: batak euskarazko hitzaldiak ditu; eta, besteak, berriz, gaztelaniazkoak.
Euskara ikasteko prozesua eraginkorragoa izan dadin, Euskarabideak gurasoen eskura jarri nahi du adingabeak euskararekin motibatzeko moduei buruzko informazioa. Horretarako, adituek hazkuntzari, euskarari eta hezkuntzari buruzko gai batzuk jorratu dituzte. Edizio honetan, honako hauek landu dira: kulturartekotasuna euskarazko eskolatzean, nola sustatu euskara nerabezarorako trantsizioan, eta gurasoen hizkuntza portaeren eredugarritasuna.
Saio interaktiboak direnez, nahi duenak kontsultak eta iruzkinak egin ditzake YouTubeko kanaleko hitzaldien bideoetan, eta Euskarabideko edo toki erakundeetako euskara zerbitzuetako teknikariek horiei erantzunen diete.
Hemen ikus dezakezu Nafarroako Gobernuaren 2023ko abenduaren 12ko albiste-buletinean argitaratutako albistea.
Sarrera hau egin daiteke: Espainiera