Zentroen arteko eta diziplinen arteko hezkuntza-proiektua da. Proiektuen bidezko elkarlaneko ikaskuntzan oinarritzen da, eta alor horretako metodologia aktiboak elkartzen ditu Nafarroako memoria historikoa berreskuratzeko ahaleginarekin. Bederatzi ikastetxek hartzen dute parte; etapa eta hizkuntza-eredu desberdinetako 400 ikaslek baino gehiagok.
Proiektu hau lotuta dago Alfontso Xll.aren presondegian 1938ko maiatzaren 22an izandako ihesaldiarekin; hura izan zen Europako kartzeletan izandako ihesik handiena. Proiektua 2020an abiatu zen, eta helburua da ikasleen pentsamendu kritikoa garatzea (izan ere, ohitura gutxi dute jasotako egiak zalantzan jartzeko edo gure historiaz hausnartzeko) eta ekarpena egitea, Nafarroan gerra zibilean eta Francoren diktaduran izan ziren biktimei aitortza emateko.
Irrati galeno bat egin, emakumeen jarduna omentzeko baso bat eratu, eta beste zenbait jarduera garatu ondoren, apirilaren 5ean Mendi-escape delakoa egin zen: kirol-gimkana ludiko bat, mendiaren gailurrean. Gorputz eta Kirol Jardueren Animazioko goi-mailako graduan ari diren ikasleek diseinatu eta dinamizatu zuten ekitaldi hori. Gainera, Artikaberritik gailurrera igo ziren ikasleak, zenbait tokitan geldituz, leku horietan QR kodeak paratu baitziren ikastetxe bakoitzean landutako datuak biltzeko.
Hemen kontsulta dezakezu prentsa oharra, hemen parte hartzen duten ikastetxeek prestatutako diptikoa eta hemen Nafarroako Gobernuak argitaratutakoa.
Sarrera hau egin daiteke: Espainiera