Leitzako Amazabal eta Berako Toki Ona institutuetako ikasleek, hurrenez hurren, epaimahaiaren saria eta publikoaren sari berezia lortu dituzte UEMAk, Udalerri Euskaldunen Mankomunitateak, Nafarroako Gobernuaren eta Eusko Jaurlaritzaren lankidetzarekin antolatzen duen Arnasetik bideosormen lehiaketan.
Lehiaketa euskararen arnasguneak osatzen dituzten udalerrietako gazteei zuzendua da, eta gogoeta piztu nahi du udalerri horietako gazteen hizkuntza ohituren gainean.
DBHko 1. eta 2. mailei dagokien kategorian, berdinketa izan dute, eta Leitzako Amazabal Institutuko ikasle baten “Ni naiz ni” lanak beste ikastetxe batekin partekatu du saria. DBHko 3. eta 4. mailei dagokien kategorian, “Minerva eta Mariloli” lanak, Berako Toki Ona Institutuko neska-mutilek egindakoak, publikoaren saria jaso du.
Hemen duzu albiste osoa, Nafarroako Gobernuaren 2022ko urriaren 31ko albiste buletinean (gaztelaniaz).
Sarrera hau ere eskuragarri dago hemen: Espainiera