Liceo Monjardín ikastetxeak, Herbehereetako, Suediako, Kroaziako eta Txekiar Errepublikako ikasleekin batera, abian du FutEUre food proiektua, etorkizuneko elikagaiei buruzkoa. Hiru ikasturteko iraupena izanen du, eta jardueren artean joan-etorriak daude: Europako zenbait ikasle Iruñera etorri berri dira; Iruñeko ikasleak Herbehereetan izan dira aurten, eta datorren urtean Suediara eta Kroaziara joanen dira.
Liceo Monjardín ikastetxeak kultura eta jasangarritasuna lantzen ditu. Horregatik, Nafarroako Unibertsitatera joan ziren, non Cristina Sola Kimikako irakasleak zerealetatik burdina nola ateratzen den irakatsi baitzien ikastetxeko ikasleei eta bisitariei. Beste zenbait gai ere jorratu zituzten, hala nola gehiegizko ustiapenak, bidezko merkataritza, transgenikoak, dieta murriztaileak eta plastikoaren etorkizuna.
Hezkuntza Departamentuaren webgunean ikus dezakezu antolatu duten zientziaren asteari buruzko informazioa, hemen Diario de Navarra egunkarian 2022-03-18an argitaraturiko berria, eta hemen ikastetxearen aldizkarian ateratako informazioa.
Sarrera hau egin daiteke: Espainiera