MinerÉTICA dibulgazio-ekimen bat da, meatzaritzari buruzkoa. Bertan, lankidetzan ari dira Nafarroako Gobernuko Industriaren, Energiaren eta S4 Proiektu Estrategikoen Zuzendaritza Nagusia, eta Nafarroako meatzaritza-sektoreko elkarte eta enpresa nagusiak. Helburua da gizartea kontzientziatzea meatzaritzaren garrantziaz eta landa-eremuetako garapenari egiten dion ekarpenaz. 2022an, ikasleek bisitatuko dituzte meatze-guneak edo -enpresak.
Bisita horietan, meatzaritzako enpresetako profesionalek produkzio-prozesuaren xehetasunak azalduko dizkiete ikasleei, bai eta meatzaritzaren sektoreak eskaintzen dituen prestakuntza- eta lan-aukerak ere, zeinak STEM karrerei (zientzia, teknologia, ingeniaritza eta matematikaren alorretakoak) oso lotuak baitaude.
Nafarroako Gobernuaren webgunean gai horri buruzko atal bat dago, eta hor badira deskargatu daitezkeen unitate didaktikoak, online joko bat, Nafarroako meatze-jardueren mapa bat, eta hitzaldiak, tailerrak eta bisita gidatuak eskaintzen dira.
Nafarroako Gobernuaren albiste-buletinean argitaratutako informazio gehiago nahi izanez gero, sakatu hemen.
Sarrera hau ere eskuragarri dago hemen: Espainiera