Carlos Gimeno Hezkuntzako kontseilariak, Santos Induráin Osasuneko kontseilariarekin batera egindako prentsaurrekoan, iragarri du zein neurrik osatzen duten Hezkuntza Jarduera Prebenitzeko eta Antolatzeko Protokoloa, Nafarroako Gobernuak 2020/2021 ikasturte berrirako diseinatua.
Hona hemen neurri horiek:
- Jardunaldi jarraitua ezartzea ikastetxe guztietan, urritik aitzinera.
- Haur Hezkuntzako ratioa murriztea, gela bakoitzeko 20 ikaslera mugatuz.
- Maskara gelatik kanpo eta barruan eramateko betebeharra 6 urtetik gorako ikasleentzat. Irakasleek eta irakasle ez diren langileek beti eraman beharko dute maskara.
- Ordu-tarte handiagoa: Haur eta Lehen Hezkuntzako klaseak 09:00etatik 14:30era bitartean antolatu beharko dira. Bigarren Hezkuntzan, 08:00etatik 15:00etara.
- Ikastetxerako sarrera eta irteera mailakatuak.
- Langile gehiago kontratatzea: Hezkuntzak 666 irakasle eta 183 zaintzaile kontratatuko ditu.
- Astegun guztietan bermatzen da jantokiko zerbitzua.
- Baliabide teknikoak, garbiketakoak eta prebentziozko ekipamendua indartzea.
COVID-19 pandemiaren bilakaeraren egungo egoera kontuan hartuta, Kontingentzia Planean aurreikusitako 4 egoeretatik bigarrena hartzea erabaki da.
Hemen kontsulta ditzakezu Nafarroako Gobernuaren webgunean argitaratutako neurriak, hemen eta hemen Diario de Navarra egunkariaren albisteak, eta hemen Diario de Noticias egunkariarena.
Sarrera hau ere eskuragarri dago hemen: Espainiera