Nafarroan 49 ikastetxe publiko eta itundutako 1.753 ikasle ebaluatu ziren iazko apiril-maiatzetan, 2018ko PISA txostenerako.
Foru Komunitateko ikasleek 503 puntu eskuratu dituzte eta lehenbizikoak gertatu dira Espainiako erkidegoen artean, gibelean Gaztela eta Leongoak, Euskal Autonomia Erkidegokoak eta Kantabriakoak dituztela, hurrenez hurren. Halaber, matematika gaitasunean, Foru Komunitateko batez besteko puntuazioa handiagoa da Europar Batasuneko batez bestekoa (494 puntu), Ekonomiako Lankidetza eta Garapenerako Antolakundekoa (489) eta Espainiakoa (481) baino.
Zientzia gaitasunean ere nafar ikasleek eskuratutako batez besteko puntuazioak (492 puntu) azpian uzten du Europar Batasuneko batez bestekoa (490), Ekonomiako Lankidetza eta Garapenerako Antolakundekoa (489) eta Espainiakoa (483). Arlo horretan, Nafarroa Espainiako seigarren erkidegoa da honako hauen ondotik: Galizia, Gaztela eta Leon, Asturias, Kantabria eta Aragoi.
Heldu den urtarrilean, Hezkuntza Departamentuak txosten osoa argitaratuko du bere webgunean, generoaren eta immigrazioko aurrekarien arabera bereizitako datuak eskainiz, besteak beste. Txostena gaztelaniaz ikus daiteke, hemen.
Egin klik hemen Diario de Noticiasen argitaratutakoa ikusteko.
Sarrera hau egin daiteke: Espainiera