Leitzako Amazabal Institutuko ikasleek bi ikasturtetan zehar landutako Leitza urratsez urrats proiektuan egindako lan guztien aurkezpena egin zuten maiatzaren 4an herriko udaletxean. Proiektua, Leitzako herritarrak herriko irisgarritasun gabeziez konturatzeko kontzientziazio kanpaina da.
Herrian zehar ibilaldiak egin ondoren zenbait gabezia ikusi zituzten: espaloi txikiak, trafikoko seinale estaliak, kotxeak espaloietan aparkatuta, kotxeen abiadura azkarra… Irisgarritasun arazo hauek zirela eta, ikasleek txosten bat egin zuten herriko mugikortasunaren inguruan eta alkatearekin bilduta, Udalari aurkeztu zioten 2016-2017 ikasturtean.
Baina, kontzientziazio lana egitea beharrezkoa ikusi zuten. Horrela, ikasleek gela barruan sortu zuten proiektua, institutu osora zabaldu zen, baita Erleta eskolara ere.
Herritarrei informazioa zabaltzeko kartelak eta esku-orriak banatu dituzte, abestia eta bideoa ere egin dute, kalejira herrikoiak antolatu dituzte eta mugikortasunarekin lotura duten jolasak eta tailerrak. Jarraian ikasleek burututako dokumentala ikus dezakezu, Leitzarren zenbait testigantza bildu dituzte herriko irisgarritasun eta mugikortasun gabeziez hitz egiten.
Hemen martxoko kalejiraren kartela eta ikastetxearen oharra ikus dezakezu. Hemen eta hemen klik egin egunkarian agertutako berriak irakurtzeko. Hona hemen oinezkoen informazioa jasotzen duen esku-orria euskaraz eta frantsesez.
Sarrera hau ere eskuragarri dago hemen: Espainiera