2017ko irailaren 27ko Eskola Kontseiluaren Osoko bilkuraren saioan, 2017-2018 ikasturteko lan egitasmoa onetsi zen. Saio berean, 2017-2018 ikasturteko aurrekontua onetsi zen eta Eskola Kontseiluaren 2016-2017 ikasturteko ekintzak biltzen dituen Oroitidazkiaren aurkezpena egin zen.
Sektore sozial desberdinetako parte-hartzea irakaskuntza ez unibertsitateko programazio orokorrean sustatzea da lan egitasmo honen helburu nagusietako bat. Nafarroako hezkuntza-sistemaren ezagutza eta hobekuntza ikerketen bidez bultzatzeko helburua nabarmentzekoa da ere. Horretarako, 2016/17 ikasturteko Nafarroako Hezkuntza Sistemaren Txostena (NHST) prestatuko da eta, ondoren, Nafarroako Eskola Kontseiluak ebaluatuko du.
Halaber, Nafarroako hezkuntza komunitatearekin batera, intereseko hezkuntza-gaien informazioaren, ikerketen eta esperientzien zabaltzea eta elkar trukatzea sustatzeko, Nafarroako Eskola Kontseiluaren XX. eta XXI. Jardunaldiak antolatuko dira. “Hezkuntza berrikuntzen proiektuak” eta “Hezkuntza eta espazioa” gaiak landuko dituzte, hurrenez hurren. Orobat, Kontseiluak argitaratzen duen “IDEA” aldizkari digitalak Jarduandietan aurkeztutako gaiak hartuko ditu.
Beste alde batetik, Kontseiluaren agerpen instituzionala gizartean indartu eta hezkuntza eremuko zentro eta erakundeekin harremana bultzatzea bilatzen da. Nafarroako Gazte Kontseilua, Iruñeko Planetarioa, Elhuyar Fundazioa eta Tuterako UHUNrekin esate baterako.
Hezkuntza sistemaren hobekuntza bultzatzeko, Estatuko eta Autonomietako Eskola Kontseiluekin elkarlana egitea da Kontseiluaren ikasturte honetarako beste helburuetako bat.
Eskola Kontseilua beharrezko baliabideez hornitu, bere funtzioak modu egokian garatu ahal izateko, eta kudeaketaz arduratzea da egitasmoak jasotako beste xede bat. Horretarako, bere aurrekontua kudeatzea eta bere langileria behar berriak kudeatzeko heztea proposatzen du.
Era berean, Kontseiluaren baliabideak, materialak zein formakuntzazkoak, egokitasunez kudeatuko dira, Kontseiluaren funtzioak modu egokian gara daitezen.
Azkenik, Nafarroako berezko bi hizkuntzen erabilera posiblea den eremu guztietan normalizatzeko nahia azpimarratzen du lan egitasmoak. Horretarako, alde batetik, gaztelaniaz edo euskaraz egiten diren eskaera instituzionalak eta pribatuak erantzungo dira eta, bestetik, erabilera elebiduna bultzatuko da Kontseiluaren jardueretan, komunikazioetan eta ekoizpenean.
Egin klik hemen lan egitasmoa, osotara, irakurtzeko, euskaraz eta gaztelaniaz.
Sarrera hau egin daiteke: Espainiera