133 ikastetxetako Haur Hezkuntzako 10.200 haurrek jaten dute fruta egunotan beren ikastetxean, Nafarroako Gobernuak elikagai horien kontsumoa sustatzeko egindako eskola-kanpainaren barnean, eta Europar Batasunak kofinantzatutakoa.
Ekimen hori azaroaren 26an aurkeztu zen Irurtzungo “Atakondoa” Haur eta Lehen Hezkuntzako ikastetxe publikoan; 3 eta 6 urte arteko ikasleak daude bertan.
“Fruta eskolan” programa azaroaren 16an hasi zen eta abenduaren 18an amaituko da. Lau aste hauetan, haur bakoitzari hamaika fruta banatuko zaizkio, sagarrak, udareak, bananak, laranjak eta mandarinak nahastuta. Lehen hiru asteetan, astean hiru ale banatuko dira, eta bi errazio azken astean. Errazio bakoitzak 150 gramo pisatzen du. Guztira, 20.000 kilo banatuko dira.
Ekimen honen helburua, halaber, ikasleak landa eta nekazaritzako mundua ezagutzen eta apreziatzen hastea da, produktu fresko nahiz tokikoak kontsumitzen has daitezen.
Programa honen helburua ikasleen artean fruta eta barazkien kontsumo-maila hobetzea da, eta haurtzarotik kontsumo osasungarriko ezagutzak eta ohiturak eskaintzea; horrek guztiak obesitateari eta hari lotutako gaitzei aurre egiten laguntzen du. Alde horretatik, aipatu beharra dago ikerketa askok fruta eta barazkien nutrizio-onurak frogatu dituztela, eta dietan frutak eta barazkiak sartu behar direla, haurren dietetan bereziki.
Egin klik hemen Nafar Gobernuak egindako prentsa-oharra irakurtzeko, hemen Diario de Navarrak argitaratutako berria irakurtzeko eta hemen Diario de Noticiasek argitaratutakoa irakurtzeko.
Diario de Navarra eta Diario de Noticiasen 2015/11/27an argitaratutako berriak.
Sarrera hau egin daiteke: Espainiera