Safareig-a (“Garbitegia”) haurtzaroa eta naturaren inguruko topaketa, formakuntza eta esperientzien elkar trukaketa tokia da. Carme Cols eta Pitu Fernández, bi maisu erretiratuak, beraien 30 urte baino gehiagoko elementu bizidunen inguruko kualitateen jakinduria eskaintzen diete eskolei. Ura, airea, argia, lurra eta landaretza, espazio irekietan, hala nola, haurren benetako beharren errespetu sakon batetan oinarritutako pedagogia da.
Espazioak
Gure patioa eraikitzen
Nafarroako Eskola Kontseiluko Lehendakaria den Aitor Etxarte Berezibarek “Haurrak eta espazioak” izenburu zuen hitzaldi bat eman zuen atzo. Honekin, maiatzaren 16a eta 22a bitartean ikusgarri dagoen “Gure patioa eraikitzen” erakusketari hasiera eman zitzaion, Zizur Nagusiko Kultur Etxeko patioan eta Erreniega I.P.ko Hezkuntza Komunitateak antolatutakoa. Erakusketan iazko ikasturtean Eskola Komunitatearen eskutik bildutako ekarpen eta proposamen ezberdinak izango dira ikusgai. Herritarrek proiektua ezagutu dezaten du helburu, sortuko den espazio berria herritar guztien gozamenerako izango baita.
Altzariek garrantzia daukate eskolan
Rosan Bosch (Utrecht, 1969) espazio berrien eta altzarien diseinuaren bitarteko hezkuntza berrikuntzaren aurpegi ezagunetarikoa da. Danimarkan eta Suedian hamar eskola eraiki izan ditu, haietatik bederatzi publikoak dira, hala nola Abu Dabiko hirian ere. Boschek arbelera begiratzen duten ikasmahai lerroz osatutako gelen deuseztatzearen alde dago. Bere ustez, hormak erauztea eta haurrak zer ikas nahi duen erabakitzen uzten duen espazio gardenak beharrezkoak dira.
Espazio berriak imaginatu nahian
Estalpe eta gimnasioa Frantzisko Deuna IP-an erakusketari hasiera eman zion atzo Iruñeko Frantzisko Deuna Ikastetxe Publikoak. Bertan, patioa estaltzeko eta gimnasio bat sortzeko Nafarroako Unibertsitateko bigarren mailako 12 Arkitektura ikasleen proiektuak aurkezten dira.