Berriak

Izen horrekin, Hezkuntzako eta Lanbide Heziketako Ministerioak hezkuntza proiektu bat proposatzen du. Proiektu horrek baliabideak ditu, familiei eta irakasleei haur eta nerabeen artean irakurtzeko ohitura sustatzen eta sortzen laguntzeko.

Nafarroako Gobernuaren proiektu berri bat ezarri dute 24 ikastetxetan, DBHko 4. mailako ikasleei Interneten seguru nabigatzen erakusteko.

Eskolako jolastokia haurren lehen espazio publikoa da askotan. Hango harremanak eta konfigurazioa ikasbideak dira, eta beste espazio batzuetan kopiatzen dira.

Nafarroako Eskola Kontseiluak «Errepikatzea eta hezkuntza uztea. Gogoetak eta proposamenak» bere azken liburua argitaratu du. Bertan, espezialista kualifikatuen hitzaldiak jasotzen dira, derrigorrezko etapetako eskola-errepikapenari eta hezkuntza-uzteari buruzko ezagutza partekatzeko eta gogoeta sortzeko aukera ematen dutenak.

Munduan gertatzen eta gertatuko diren aldaketek erronka berriak eragin dituzte, eta hezkuntzak erronka horiei aurre egiteko baliabideak eskuratu eta garatzeko ikusmolde berriak bilatzen ditu. Garapen jasangarrirako helburuak (Agenda 2030eko GJH) eta herritartasun globalerako hezkuntza (HGH) funtsezko erreferentzia-esparru bilakatu dira.

eLeo liburutegi digital bat da, Hezkuntzako eta Lanbide Heziketako Ministerioaren kanpoko baliabide zentroetakoa. Ikastetxe eta programetako ikasleen eta irakasleen eskura jartzen ditu gaztelaniazko literatura klasikoaren eta garaikidearen 4.000 titulu baino gehiago, bai eta baliabide didaktikoak ere, gaztelania atzerriko hizkuntza gisa irakasten duten profesionalen lana errazteko.

Haur, lehen eta bigarren hezkuntzako ikasleak dituzten ikastetxe publiko asko ez dago, baina hezkuntza-sistemaren gabezia endemiko batzuk konpontzeko bideak erabiltzen dituzte.

FEDAC Montcada eskolan artearen bidez landu dituzte giza eskubideak. Ingelesaren alorretik abiatuta, literatura arte-diziplina gisa baliatu dute errefuxiatuen gaia ikasleei hurbiltzeko, modu ikusgarri, erakargarri, hurbil eta sinplean. Erreferentziazko artistetako bat Siro López da, zeinak hainbat pintura- eta argazki-erakusketa baititu giza eskubideei buruz.

Espainiako Pediatria Elkarteko haurren eta gazteen osasun mentaleko lantaldeak hezkuntza proiektu bat prestatu du familientzat, eta Familia eta Osasuna webgunean zabaldu du. “Haurren eta gazteen osasun mentaleko guraso eskola” honek laguntza eman nahi die familiei hazierako alderdi eta arazo nagusiak ezagutu eta jorratu ditzaten. Bideoak sortu dituzte, eta webgune horretaz gain, Youtubeko kanalean ere paratu dituzte.

Ekainaren 7an, 6 hezkuntza kategorietan eTwinning 2024 sari nazionala jasoko duten irakasle espainiarren zerrendak argitaratu ziren. Sarituen artean Nafarroako lau irakasle daude: Aurea Garde eta Ana Frago, Iruñeko Julio Caro baroja BHIkoa (Micro & Nano proiektua); Isabel Canal, Iruñeko Jesuitinas ikastetxekoa (eTwinning behind the scenes proiektua), eta Marisol Montañés, Tuterako Huertas Mayores HLHIPkoa (A rainbow of emotions proiektua).

Hizkuntza eta Kultura Portugesen Programa herrialde horretako hizkuntza eta kultura hedatzeko programa bat da. Espainiako ikastetxeetan gauzatzen da, portugaldarren ondorengoak hobeki integra daitezen eta bestelako nazionalitateetako ikasleek kultura eta hizkuntza portugesak ezagutu ditzaten.

Espainiako Oinarrizko Osasun Laguntzako Pediatria Elkarteak gomendio batzuk ditu bere webgunean, haurrek Internet nola erabili arautu behar duten familientzat.

Hispana Espainiako ondare digitalera sartzeko ataria da, eta Europeanan Espainiako edukiak gehitzen dituena. Haren helburua da Espainiako kultura eta zientzia ondarea Internet bidez eskuratzeko aukera eskaintzea, metadatuak eskuragarri jarriz eta esteken bidez web jabeetara birbideratuz. Halaber, Europako liburutegi digitalean, Europeanan, erakundeen edukia gehitzeaz arduratzen da, haiek hala nahi badute.