Nafarroako Eskola Kontseiluak «Neurohezkuntza: nola ikasten du garunak?» bere azken liburua argitaratu du. Bertan, espezialista kualifikatuen hitzaldiak jasotzen dira, ezagutza partekatzeko eta printzipio neurozientifikoak hezkuntza-praktikan txertatzeari buruzko hausnarketa sortzeko.
Neurohezkuntzak ikertzen du nola funtzionatzen duen garunak irakaskuntza eta ikaskuntza prozesuan: aztertzen du zein den giza burmuinaren garapena, estimuluei nola erantzuten dien eta nola bihurtzen diren gero erantzun horiek ezagutza.
Gaur egungo hezkuntza-sistemak kontuan izan behar du ezagutza neurozientifikoa, ikasten dugun guztiak gure burmuina eraldatzen baitu. Oinarri neurozientifikoa duen hezkuntza-ikerketaren azken aurrerapenek gero eta informazio zehatzagoa ematen digute gure burmuinaren funtzionamenduari buruz, bai eta ezagutza berriak eskuratzerakoan jakin-minak eta emozioak betetzen duten zeregin garrantzitsuari buruz ere.
Liburuaren hausnarketen zati handi bat Nafarroako Eskola Kontseiluaren XXIX. Jardunaldietan aurkeztu zen, 2023ko abendualean: Neurohezkuntza: nola ikasten du garunak?
Eskerrak eman nahi dizkiegu argitalpen honetan parte hartu duten guztiei.
Formatu digitalean ere eskura daiteke monografia, gaztelaniaz zein euskaraz.
Sarrera hau ere eskuragarri dago hemen: Espainiera