Dani eta Amayak, Tuterako Huertas Mayores ikastetxe publikoko bi irakaslek, Nafarroako Eskola Agentzia Espaziala sortu dute, eta Europako Espazio Agentziak eta Nafarroako Hezkuntza Departamentuak bermatu dute eskola agentzia. Proiektu horren bidez, haurrentzat oso erakargarria den gai bat, kosmosa, aprobetxatu nahi dute.
Zenbait jarduera (“Misioak” izendatuak) diseinatu dituzte, Huertas Mayores ikastetxeko ikasmaila bakoitzera egokituak, Haur Hezkuntzako 1. mailatik (3 urte) Lehen Hezkuntzako 6. mailara (12 urte). Nafarroako Eskola Agentzia Espazialaren webgunean eta irakasleek prestatu duten blogean –“Espaziotik Huertasera”– prozesuari (hasieratik gaurdaino) eta misioei buruzko informazioa jaso daiteke, bideoak ikus daitezke, etab.
Prestakuntza zientifiko-espazial horren bidez, ikasleen artean STEAM diziplinak sustatu nahi dira: Zientziak, Teknologia, Ingeniaritza, Artea eta Matematika.
Ikastetxe honek Nafarroako gainerakoak animatzen ditu proiektuan parte hartzera eta sare bat osatzera, esperientziak partekatzeko eta ikasleei eskainitako jarduerak aberasteko.
Hemen irakur dezakezu Diario de Navarran 2024ko otsailaren 4an argitaratutako berria.
Sarrera hau egin daiteke: Espainiera