Abenduaren 19an, Nafarroako “Navarraskills” Lanbide Heziketako txapelketa ospatuko da. Txapelketa honetan Lanbide Heziketako 72 ikaslek parte hartzen dute 22 modalitatetan, eta bertan, egiten ari diren irakaskuntzetako konpetentzia eta trebetasun profesionalak eta pertsonalak neurtzen dituzte. Irakasleek eta enpresa babesleen ordezkariek planteatu dituzte probak.
Navarraskill-ak LHren dibulgazio-tresna garrantzitsu bat dira, eta egungo eta etorkizuneko ikasleak suspertzeko bide bat da. Donapea IIP LHIKtik zuzenean emitituko dira, txapelketa garatzen den egoitzetara konexioak eginez.
Txapelketa honek Spainskills txapelketa nazionalean Nafarroa ordezkatuko duen Lanbide Heziketako taldea osatzen duten kideak hautatzeko balio du. Txapelketa horretan gainerako autonomia erkidegoetako eta hiri autonomoetako taldeekin lehiatuko da. NAVARRASKILLS txapelketaren egitaraua
9: 00etan. Hezkuntzako kontseilariak irekitzea.
9: 15etik 13: 00etara. Lehiaketen garapena. Solasaldiak, elkarrizketak ikasleekin, irakasleekin eta enpresa babesleekin tartekatuko dira.
13: 30etik 14: 00etara. Sari banaketa eta amaiera Lanbide Heziketako, Digitalizazioko eta Hezkuntza Zerbitzuetako zuzendari nagusiaren eskutik, Navarraskills taldea eratuz.
Egin klik hemen zuzenean jarraitzeko.
Sarrera hau ere eskuragarri dago hemen: Espainiera