Garraldako, Otsagabiko, Erronkariko eta Baigorriko irakasle batzuek eta DBHko 4. mailako ikasleek Orbaizetako arma-ola bisitatu dute Erronkariko Interpretazio Zentroko begiraleekin batera. Proiektu batek batzen ditu Pirinioetako bi aldeetako lau ikastetxeak eta beste erakunde batzuk, eta horren barnean egin da mugaz haraindiko lankidetzako jarduera hau.
Zenbait ekintza proposatu dira, hala nola materialak diseinatzea eta prestatzea, ikasleen arteko topaketak egitea, interes historiko eta geologikoko lekuak bisitatzea, klimatologia aztertzea, euskararen erabilera sustatzea, eta abar. Jarduera nagusia urriaren 6an egin zen, Geodibertsitatearen Nazioarteko Egunean, helburu hartuta bertatik bertara ezagutzea Orbaizetako olatik hurbil dauden meatzeetako geologia, eta gizakiak zertarako erabiltzen dituen mineralak.
Egun horretan, ibilbide geologiko bat egin zuten Txangoa mendian barna, eta bisitan joan ziren antzinako arma-olako industria-eremura eta Kultur Ola zentro berrira.
Hemen irakur dezakezu Diario de Navarran 2023ko urriaren 20an argitaraturiko berria.
Sarrera hau ere eskuragarri dago hemen: Espainiera