Gurutze Plaza BHIko eta Iruñeko Calasanz-Eskolapioak ikastetxeko ikasleek hiria nola ikusten duten islatu dute Lezkairu eta Arrosadiako biribilguneko horma-irudi batean. Hala, “Lorezaintza Z belaunaldian” izeneko murala margotu dute Taxoaren kalearen eta Katalunia etorbidearen arteko biribilgunearen azpian, hango plazako pasabideetako batean.
Aurretik, Navarra Villoslada BHIko eta Nuestra Señora del Huerto ikastetxeko ikasleek beste pasabideetako bat edertu zuten, “Iruña ez zen egun batean eraiki” izeneko horma-irudia margotuz han. Bi kasuetan, Leire Urbeltzen eta Peio Iglesiasen laguntza izan dute prozesuan.
Hiri Hezitzaileen Sareko kide da Iruña. Hiri horiek bizialdi osoko hezkuntzaren ikuspegi zabala sustatzen dute, jende ororen ahalmena garatzea ahalbidetuko duten hezkuntza-aukerak sor daitezen tokian tokiko biztanleen artean. Helburua da hiria honako balio hauen eragile izatea: bizikidetza, oparotasuna, gizarte-kohesioa eta konpromisoa.
Hemen irakur dezakezu Diario de Navarran 2022ko abenduaren 1ean argitaraturiko berria.
Sarrera hau ere eskuragarri dago hemen: Espainiera