‘Osasunerako hezi, bizitzarako hezi’ proiektua eskolan osasuna sustatzeko plan bat da, Zizur Nagusiko, Barañaingo eta Ermitagañako ikastetxe publikoek, osasun etxeek eta guraso-elkarteek abiarazi dutena eta Osasun Departamentuak diruz laguntzen duena. Bere garaian ikastetxeak bisitatu ziren, eta orain, pandemiaren etenaren ondoren, Ermitagañako osasun etxeak maiatzera arte lau liburutegi bisitatzea sustatu du. Programa gatazken konponketan eta emozioen kudeaketan oinarritzen da, eta haurrentzako hainbat lantegi eta César Oroz marrazkigilearen bi erakusketa hartzen ditu barnean.
Erakusketen gaiak dira “Haurtzaroan emozioak kudeatzen ikastea” eta “Haurtzaroan gatazkak konpontzea”. Gaztelaniazko eta euskarazko kartelak dituzte, eta horien bidez hainbat alderdi landu daitezke norberaren emozioak ezagutzearekin, enpatiarekin, entzutearekin eta berdinkideen arteko desberdintasunekin lotuta.
Bestalde, lantegiek izenburu hau dute: “Nire emozioen unibertsoa esploratzen”. 8 eta 12 urte bitarteko haurrei zuzentzen zaizkie, eta Galkidea gizarte ekimeneko kooperatiba arduratzen da horietaz. Kooperatiba horrek hamar urtetik gorako esperientzia du haurrei eta familiei laguntzeko eta horiekin esku hartzeko arloan.
Hemen ikus dezakezu Nafarroako Gobernuaren buletinean 2022/04/07an argitaratutako albistea.
Sarrera hau ere eskuragarri dago hemen: Espainiera