Ikasturte honetan, Tafallako Marqués de la Real Defensa HLHIPko Lehen Hezkuntzako 6. mailako ikasleek Afrikaren gaineko proiektu bat dute esku artean: bit.ly/africamilhistorias. Hainbat proposamen lantzen dituzte: 20 herrialde ezagutzea Espainian dituzten enbaxadei bidalitako gutunen bidez, kulturaren, arteen, aktibismoaren, kirolaren eta abarren arloko Afrikako edo afrikar jatorriko 40 pertsonarekin harremanetan jartzea… (horietatik guztietatik 18rekin dute harremana oraindik). Proiektu horretatik bi ekimen atera ziren: #KakaoEsklabotza eta #MOBILizaZaitezOihanarengatik.
MOBILiza zaitez oihanarengatik Jane Goodall institutuaren «Roots & Shoots» (“Erroak eta kimuak”) hezkuntza programaren barruko kanpaina bat da, eta proposatzen du telefono mugikor zaharrak birziklatzea, barruan duten koltana berrerabili ahal izateko (bi telefono mugikor zahar birziklatuta telefono mugikor berri bat egiteko behar den koltana berreskura daiteke).
Jordi Évole eta Jalis de la Sernaren artikulu eta dokumentalen bidez iritsi ziren “Mama” dokumentalera (Goya sarien 2022ko irabazlea). Pablo de la Chica zuzendariarekin harremanetan jartzea erabaki zuten, eta harekin harremanetan egoten jarraitzen dute.
Kanpaina ez da amaitu, eta dagoeneko 150 telefono mugikor jaso dituzte. Tafallako Udalaren eta Puiuko bizilagunen laguntza lortu dute, ikasle batek herriko WhatsApp-eko taldean eskatuta 40 telefono mugikor baino gehiago jaso dituzte, eta kanpainak aurrera darrai.
Sarrera hau egin daiteke: Espainiera