Antzerki-ziklo bat eta errepresio frankistari buruzko unitate didaktiko bat dira “Memoria duten eskolak” 2021-2022 programaren elementu berriak; programa hori Herritarrekiko Harremanetako Departamentuak egiten du, Bakearen, Bizikidetzaren eta Giza Eskubideen Zuzendaritza Nagusian.
Edizio honek dakartzan jardueren artean, besteak beste, Memoria duten antzezlanak nabarmentzen da, zeinak ikasle eta irakasle parte-hartzaileei erakutsi nahi baitie 1936ko estatu-kolpearen ondorioz Nafarroan bizi izan zen izua. Amonarenean kea ipuinean oinarritutako unitate didaktiko bat ere egin da, eta Lehen Hezkuntzako ikastetxe guztietan banatuko da.
Nafarroako Memoriaren Institutuaren programa hau 2016an sortu zen, zeharkako proiektu gisa. Haren helburua da hezkuntza-mundua memoriaren politika publikoekin elkartzeko gune bihurtzea. Hemen klik eginda ikus daiteke Nafarroako Gobernuaren atarian argitaratutako berria.
Sarrera hau egin daiteke: Espainiera