Gerta liteke nobela bat irakurtzean hainbesteraino sartzea istorioan, non badirudien hantxe bertan izan zinela. Harrapatu egiten zaitu. Nobelaren munduan sartu. Fikzioak errealitatea gainditzen duenean gertatzen da hori. Izan ere, eleberri batzuek bizitza bera baino errealagoak dirudite. Batzuetan, liburuan deskribatutako paisaiak errealitatean baino gehiago gustatzen zaizkigu. Aldea da autoreak edo nobelan ageri den pertsonaiak kontatzen digun istorio horretan jarritako sentimendua.
Horixe da ibilbide literario bat: eleberrian hainbeste hunkitu gaituen autorearen sentimendu hori deskubritzea. Tramak gertatzen diren agertoki berberetan barna paseatzea, edo egileak eleberria idatzi zuen lekuan, edo protagonistak lo egin, jan, abestu zuen tokian. Hemen dituzue proposamen batzuk:
- Kixoteren ibilbidea (Gaztela-Mantxa)
- Hemingwayren ibilbidea (Iruña)
- Poetaren bidea (Valentziako Erkidegoa)
- Antonio Machadoren ibilbidea (Soria)
- Bécquer-en ibilbidea (Soria)
- Letren auzoa (Madril)
- Mio Ciden eresiaren ibilbidea (Gaztela-Valentziako Erkidegoa)
- “La sombra del viento” liburuaren ibilbidea (Bartzelona)
- “La catedral del mar” liburuaren ibilbidea (Bartzelona)
- Baztango trilogiaren ibilbidea (Baztan)
- Alatriste kapitainaren ibilbidea (Madril)
Anima zaitez zure liburu gogokoenaren agertokiak bilatzera.
Sarrera hau ere eskuragarri dago hemen: Espainiera