Nafarroako 14 ikastetxe publikoei kudeaketaren kalitatean egindako urratsak aitortzeko sariak banatu ditu Nafarroako Gobernuak.
“Kalitatearekin konpromisoa” saria jaso zuten ikastetxeak hauek izan ziren: San Babil HLHIP (Ablitas), Pitillaseko ikastetxea, Francisco Arbeloa HLHIP (Azagra), Tuterako Hizkuntza Eskola Ofiziala, Julian Gayarre-Erronkari DBH zentroa eta San Donato HLHIP (Etxarri Aranatz).
“Kalitatezko zentroa” aitortza jaso dutenak Haur eta Lehen Hezkuntzako Angel Martinez Baigorri (Lodosa), Huertas Mayores (Tutera) eta San Miguel (Doneztebe) izan dira.
“Zentro bikaina” saria jaso dutenak Haur eta Lehen Hezkuntzako Berian ikastetxea, Doña Blanca de Navarra (Lerín), Erreniega (Zizur Nagusia), Alhama DBH (Corella) eta Julio Caro Baroja DBH (Iruña) institutua izan dira.
Hemen klik egin Diario de Navarra egunkarian argitaratutako berri ikusteko. Hemen Nafarroako Gobernuko prentsa-oharra ikusteko.
Sarrera hau ere eskuragarri dago hemen: Espainiera