Iruñeko Udalak Planetarioaren laguntzarekin lorategi berezi bat eraiki du Yamaguchi Parkean. Udalaren Lorategietako Zerbitzuak hautatutako 500 zuhaixka baino gehiagok Esne Bidearen landarezko irudikapena osatuko dute. Zuhaixka bakoitzak Galaxiako eremu zehatz bat ordezkatuko du bere izar, nebulosa, kumulu eta ezaugarri guztiekin.
Zuhaixka bat babesteak ikastetxe, talde edo elkarteen izena Udalaren Lorategietako Zerbitzuak hautatutako landareari ematean datza. Zenbait talde zuhaixka landatzera etorri ziren eta beste batzuk ordezkatutako babesletza hautatu dute, modu honetan, zuhaixkaren landaketa udaleko zein planetarioko langileen eskuetan utziz. Nafarroako Eskola Kontseiluak zuhaixka bat babestu zuen, Salix integra Hakuro Nishiki bat, alegia.
Egin klik hemen, hemen eta hemen Diario de Noticias, Diario de Navarra eta Berria egunkarien berriak irakurtzeko, hurrenez hurren.
Sarrera hau ere eskuragarri dago hemen: Espainiera