Marcillako Marqués de Villena BHI izan da “Consumopolis” lehiaketaren fase autonomikoaren irabazlea. AECOSANek (Espainiako Kontsumo, Elikagai eta Nutrizio Seguritate Agentzia) antolatutako lehiaketa hau, Nafarroako Gobernuaren lankidetzarekin, ondasun eta zerbitzuen kontsumo arduratsuaren inguruan sentsibilizatzeko helburua dauka.
2015-2016 urteko leloa “Zuk kontsumitzen duzu: berdin egiten al dute toki guztietan?” izan da. Marcillako taldeak, “Las marquesas II” izenekoa, eta DBHko bigarren zikloko ikasleez osatuta, izena eman zuten zortzietatik lehiaketa autonomikoaren bi frogak gainditu dituen ikastetxe bakarra izan da. Lehenengoan, fitxa pedagogiko batzuk osatu zituzten eta Consumopolis plataforma birtualaren edukiak gainditu zituen. Bigarrenean, berriz, munduan kontsumitzeko bi era ezberdinak islatu zituen bideo baten bitartez: europar herrialde batean eta afrikar herrialde batean.
Modu honetan, Marqués de Villena BHI Nafarroaren ordezkaria izango da fase estatalean. Talde osatzen duten bost ikasleak Izaskun Los Arcos López de Pariza, Irati Roncal Uzqueda, Laura Domínguez Zabalza, Tsevetelina Valentinova Velkova eta Ángela Martínez Ayesa dira, Mónica Sanz Martín irakasleak koordinatuta.
Hemen klik egin dezakezu la Voz de la Merindadek 2016/05/16an argitaratutako berria irakurtzeko, hemen Diario de Navarrak argitaratutakoa eta hemen 2016/05/17an Diario de Noticiasek argitaratutakoa.
Sarrera hau ere eskuragarri dago hemen: Espainiera