Biurdana BHIko XVII. Irakurketa Publikoa burutu zen apirilaren 29an. 2016ko idazle gonbidatu eta omendua Jon Alonso izan zen. Iruñean jaioa 1958an, biologia ikasketak egin zituen eta itzulgintzan dihardu NUPen. Hainbat eleberri eta saiakera idatzi ditu, Hiri hondakin solidoak ( 2015, Txalaparta) azkenekoa delarik.
Biurdana institutua 2000. urtean hasi zen urtero Irakurketa Publikoa antolatzen. Helburua irakurzaletasuna sustatzea da, hitz irakurria hitz mintzatu bilakatuz, ekintza pribatua publiko bihurtuz. Liburuaren Nazioarteko Egunaren arira egiten da Irakurketa Publikoa, baina ez espresuki apirilaren 23an, egun horren inguruko ostiralaren batean baizik. Goiz osoan zehar, euskarazko liburuen pasarteak ozen irakurtzen dituzte hainbat ikasle, irakasle eta pertsona gonbidatuek. Aurten, Nafarroako Eskola Kontseiluko Lehendakaria den Aitor Etxarte Berezibarrek ere parte-hartu zuen.
Hementxe aurten ekitaldia iragartzeko egindako bideoa:
Ondoren, ikasleek irakurtzen eta euskal literaturaren inguruan hausnarketak egiten erakusten dituen bideoa:
Sarrera hau ere eskuragarri dago hemen: Espainiera