Atarrabiako Udaleko Ingurumen eta Gazteriaren alorrak gure planetarekiko bake-deklarazioa antolatu zuen. Horretarako, bonbardaketa bat egin zuen, bertako landareen haziekin egindako 400 bola botata Ezkaba Txikiren hegaletan. Ekintza horrek Ukrainako bonbardaketei aurre egitea du helburu, baina, horretaz gain, haurrak eta gazteak kontzientziatu nahi ditu, ingurunea zaindu eta ezagut dezaten.
Atarrabiako haurrek parte hartu dute, gurasoekin batera; baita herriko gazteek ere. Zenbait egun lehenago, San Andres scout-taldeak lantegi bat egin zuen, buztinezko “bonbak” prestatzeko. Haziak jaurtitzeko erabili ziren gailuen funtzionamendua azaldu zitzaien, Gazte Bizi Plus aisialdi-elkartearekin batera, Mikel Baztan naturalista eta berdeguneen alorreko adituaren aholkularitzarekin eta Joseba Amigorena Udaleko gazteriaren alorreko teknikariaren laguntzarekin.
Euria egiten duenean, haziak inguratzen dituen konposta eta buztina desegin eginen dira eta, horrela, haziak ernatuko dira.
Kontsultatu hemen Diario de Noticiasek 2022-03-06an argitaraturiko berria, eta hemen Diario de Navarrak 2022-03-08an argitaraturikoa.