“Agente tutorea” , halaxe deritzo Nafarroan abiarazi den proiektu aitzindari bati. Osasun, Gizarte Zerbitzu eta Berdintasun Ministerioak eta FEMP Espainiako Udalerri eta Probintzien Federazioak bultzaturiko baliabide bat da, hezkuntza komunitateari laguntzeko jomuga duena. Tafallan eta Eguesibarrean txertatu da eta ikasleak babesteko eta prebenitzeko jomuga du.
Proiektuak sei aplikazio esparru biltzen ditu: eskola ingurunearekin loturiko egoerak, ingurune publikoetan atzemaniko arazoak, informazioaren teknologiekin alorreko gorabeherak, ingurumenarekin loturikoak, beste entitate eta erakunde batzuekin koordinatuta egindako esku hartzeak, adingabeekin hartutako neurriei ikuskapen eta jarraipenak egitea.
Hemen dago mugikortasunari eta bide hezkuntzari buruzko informazioa, eta hemen droga mendekotasunei buruzkoa. Nahi izanez gero, hemen irakur dezakezu Diario de Noticiasen 2020ko otsailaren 18an argitaratu zen berria.