Nafarroako lau ikastetxek Europar Batasuneko Hezkuntza, Formakuntza, Gazteria eta Kirolaren 2014-2020 Erasmus+ mugikortasun programarekin bat egin dute. Hezkuntzaren Internalizaziorako Zerbitzu Espainolak (SEPIE, gaztelerazko sigletan) programan txertatzeko diru-laguntza honako ikastetxe eta proiektuei eman die:
- Iruñeko Hizkuntza Eskola Ofiziala “Metodologia aktiboen erabilera helduentzako hizkuntza irakaskuntzan” proiektuarekin: honen bidez ikastetxeak genero perspektibaren berrazterketa egin nahi du, bere ikasgelak sozializaziorako gune garrantzitsuak baitira, non estereotipo eta genero-rolek “genero berdintasunerako oztopo larriak” suposatzen dituzten. Bide horretan IHEO-ren aukeratutako proiektuaren helburua garatzea, sareak indartzea eta nazioen arteko lanean atzerriko hizkuntzen ikastetxeetako gaitasuna handitzea da; bere ikasgeletan laguntzaren egokitasuna eta genero transbertsalitatearen bultzada aztertzea; irakaskuntza praktikan genero perspektiba inplementatuko duen jardueren programa bat garatzea; eta sexu eta genero sistemaren inguruan egituratutako testuinguru soziala, estereotipo eta rolen transmisioari buruz elkarrekin hausnartzea, hala nola helduen irakaskuntzaren kalitatea bermatzea.
- Vianako “Francisco Navarro Villoslada” Liburutegi Publikoa “Hezten ikasten: Helduen Hezkuntza Vianako liburutegi publikoan” proiektuarekin: Francisco Navarro Villoslada liburutegiaren xedea ikastetxe ez formalaren ahalmena handitzea da eta horrela herriko biztanleriaren ehuneko handiagoari zerbitzu egokiagoa eskaini ahal izatea. Programaren helburuen artean nabarmen ditzakegu bere formakuntza akademikoa osatzeko liburutegietara jotzen duten helduei zerbitzua emateko moduan esperientzia berrien ezagutza, helduen irakasle izateko gaitasunak lortzea, eta berriro ere ikasi nahi duten helduak eroso sentitzea errazten duten jarduera berritzaileak garatzea.
- Corellako Arte eta Goi Mailako Diseinu Eskola ¡Di InternacionalizARTE! proiektuarekin: honek ikastetxeko irakasleei Irlanda, Erresuma Batua eta Kroazian egindako formakuntza ikastaroen bidez bere gaitasun profesionalak hobetzeko aukera emango die. Hauetan, irakasleek bere europar kideekin esperientziak partekatuko dituzte ikasgelan teknologia eta metodologia berrien erabileran, harreman internazionalak eta atzerriko hizkuntzan komunikatzeko gaitasunaren garapenean bere formakuntza hobetzeko asmoz.
- Garesko Seminario Padres Reparadores Ikastetxea “Internalizazioaren talde motorra bultzatzen” proiektuarekin: zenbait irakaslek Europar Batasuneko beste herrialde batzuk ingelesez antolatutako formakuntza ikastaroen bidez bere gaitasun profesional, linguistiko eta interkulturalak zabaldu eta sakontzeko aukera izango dute. Erasmus+-en parte hartzearekin ikastetxeak bere internazionalizazio egitasmoari hasiera ematen dio, honen helburua europar ikastetxeen arteko ikasle-trukeak garatzea delarik.
Lau proiektuen ordezkariek egun hauetan Murtzian izandako Erasmus+ eskola hezkuntzako langileen ikaskuntza eta pertsona helduen irakaskuntzarako mugikortasun proiektuen hasierako formakuntza jardunaldietan parte hartu dute.
Hemen aipatutako proiektuen inguruan informazio gehiago aurki dezakezu.